Gujarati News

Gujarati News

News of Wednesday, 5th May 2021

અમિતાભ બચ્ચન, અક્ષય કુમાર, પ્રિયંકા ચોપરા, અજય દેવગણ, શિલ્પા શેટ્ટી સહિતના પાસે છે પોતાનું ખાનગી જેટ

નવી દિલ્લીઃ બોલિવૂડ સ્ટાર્સ પોતાનું જીવન ભવ્ય રીતે જીવે છે. મોટે ભાગે, તેઓ તેની ઝલક સોશિયલ મીડિયા પર પણ શેર કરે છે. ઘણી વાર આ સેલેબ્સને પૂછવામાં આવે છે કે શું તેમની પાસે ખાનગી જેટ છે? આવી સ્થિતિમાં ઘણા સ્ટાર્સે હા પાડી હતી. ઘણાં સ્ટાર્સ ઘણીવાર તેને એવોઈડ પણ કરે છે. સુપરસ્ટાર શાહરૂખ ખાન એક સ્ટાર છે જેણે ઘણી વખત ખાનગી જેટ હોવાનો ઇનકાર કર્યો છે. તે જ સમયે, એવા ઘણા લોકો છે જેમણે સોશિયલ મીડિયા પર ખાનગી જેટ હોવા અંગે જાહેર કર્યું છે. અમિતાભ બચ્ચન, અક્ષય કુમાર, અજય દેવગન, શિલ્પા શેટ્ટી કુંદ્રા અને પ્રિયંકા ચોપરા જોનાસ જેવા બોલિવૂડ સ્ટાર્સ પાસે પોતાનું ખાનગી જેટ છે.

અજય દેવગણ

અહેવાલો અનુસાર, અજય દેવગણ પાસે હોકર 800 પ્લેન છે. જે છ સીટર જેટ છે. અભિનેતાઓ પ્રમોશનલ પ્રોગ્રામ્સ અને શૂટ માટે ઘણીવાર પ્રાઈવેટ જેટ યાત્રા કરે છે.

અક્ષય કુમાર

ભારતમાં સૌથી વધુ કમાણી કરનાર અભિનેતા અક્ષય કુમારની પાસે પ્રાઈવેટ જેટ છે. જેની કિંમત 260 કરોડ રૂપિયા છે. અભિનેતા અક્ષય કુમાર લોકોની મદદ કરે છે. પણ તે પોતાની લાઈફ કિંગ સાઈઝ જીવવામાં માને છે. 

અમિતાભ બચ્ચન

અમિતાભ બચ્ચન એરપોર્ટ પર ભાગ્યે જ જોવા મળે છે. કારણ કે તે ઘણી વાર તેમના ખાનગી જેટમાં મુસાફરી કરે છે. થોડા વર્ષો પહેલાં જ્યારે BIG-Bને પ્રતિષ્ઠિત દાદાસાહેબ ફાળકે એવોર્ડ મળ્યો હચો. તે સમયે અભિષેક બચ્ચને તેમના ફેન્સી પ્લેનની ઝલક શેર કરી હતી. 

પ્રિયંકા ચોપરા જોનાસ

પ્રિયંકા ચોપરા જોનાસ એક ગ્લોબલ સ્ટાર છે. અભિનેત્રી પોતાના વ્યવસાયિક અને અંગત કામ માટે ઘણીવાર ભારતથી ન્યૂયોર્ક અથવા લંડન મુસાફરી કરે છે. તેઓ તેમના પોતાના ખાનગી જેટમાં લાંબી મુસાફરી કરે છે. 

શિલ્પા શેટ્ટી

શિલ્પા શેટ્ટી અને તેના પતિ રાજ કુંદ્રા એક ઉત્તમ જીવન જીવે છે. તેમની પાસે વિશ્વના ઘણા ભાગોમાં સંપત્તિ છે અને અહેવાલ મુજબ તે પોતાનું ખાનગી જેટ પણ ધરાવે છે.

(4:42 pm IST)