Gujarati News

મુંબઈ: સોનિયા રાઠી એક અમેરિકન ભારતીય અભિનેત્રી છે જેમણે ALTBalaji ના શો 'બ્રોકન બટ બ્યુટિફુલ' સીઝન 3 થી ડેબ્યૂ કર્યું હતું. પહેલા જ શોમાં તેણે દર્શકોના દિલમાં પોતાની જગ્યા બનાવી લીધી હતી. સોનિયા 10 વર્ષની ઉંમરથી અભિનેત્રી બનવા માંગતી હતી અને તે વેબ અને ટીવી જગતનો જાણીતો ચહેરો અંકુર રાઠીની બહેન છે.'બ્રોકન બ્યુટ બ્યુટિફુલ' સિઝન 3 માં તેને કેવી રીતે ભૂમિકા મળી તે વિશે વાત કરતાં સોનિયાએ કહ્યું, "હું ખૂબ જ નસીબદાર હતી કે જ્યારે શોની બીજી સીઝનનું શૂટિંગ ચાલી રહ્યું હતું ત્યારે હું મારા ભાઈની મંગેતર અનુજા સાથે સેટ પર ગઈ હતી. અનુજા સિઝન 2 નો હિસ્સો હતી અને તે દિવસે હું તેને સેટ પર મળી હતી.થોડા સમય પછી, મેં ઓડિશન આપ્યું. મને ખબર નહોતી કે તે બ્રોકન બ્યુટિફુલ સીઝન 3 માટે છે અને મને તે ભૂમિકા માટે પસંદ કરવામાં આવી હતી. "