Gujarati News

અભિનેતા સિદ્ધાર્થ મલ્હોત્રા તેની આગામી ફિલ્મની આતુરતાથી રાહ જોઇ રહ્યો છે. શેરશાહ નામની ફિલ્મમાં તેણે કેપ્ટન વિક્રમ બત્રાનું પાત્ર ભજવ્યું છે. સિધ્ધાર્થે કહ્યું હતું કે વિક્રમજીનું પાત્ર ભજવવું એ મારા માટે ખુબ જ મોટી જવાબદારી સમાન કામ હતું. શહિદ કેપ્ટન વિક્રમ બત્રાનો રોલ મારા માટે યાદગાર બની ગયો છે. કારગિલ શહિદ દિવસના એક દિવસ પહેલાં જ આ ફિલ્મનું ટ્રેલર રિલીઝ કરવામાં આવ્યું હતું. સિદ્ધાર્થે કહ્યું હતું કે યુનિફૉર્મ પહેરીને પાત્ર ભજવવાનો હંમેશાં ગર્વ થાય છે, પરંતુ લેજન્ડરી વોર હીરો કેપ્ટન વિક્રમ બત્રાનું પાત્ર પરદા પર ભજવવું ખૂબ જ મોટી જવાબદારી હતી. આ વ્યકિતની બહાદુરી અને જુસ્સાની રિયલ લાઇફ સ્ટોરીને સ્ક્રીન પર લાવવા માટે શારીરિક અને માનસિક એમ બંને રીતે તૈયારી કરવી જરૂરી હતી. તેમની બહાદુરી અને પર્સનાલિટીને ખૂબ જ પ્રામાણિક રીતે પરદા પર રજૂ કરવાનો મેં પ્રયાસ કર્યો છે.