Gujarati News

મુંબઈ તા.07 : પોતાના મજબુત મિજાજ અને 'એન્કાઉન્ટર' ઇમેજને કારણે ચર્ચામાં રહેતી યુપી પોલીસ આ વખતે પોતાના એક ફની ટ્વિટની કારણે ચર્ચામાં આવી છે. બોલિવૂડ ફિલ્મ 'એક વિલન રિટર્ન્સ' ના પોસ્ટરને યુપી પોલીસે ટ્વિટ કરી લખ્યું હતું કે, 'ઇન્સ્યોરિંગ નો વિલન રિટર્ન્સ' જેને  લઈ મોટા મોટા બોલિવૂડ કલાકારોએ પોતાની પ્રતિક્રિયા આપી છે.

ટ્રેલર રિલીઝ થતાની સાથે જ ઈન્ટરનેટ પર સનસનાટી મચાવનારી બોલિવૂડ ફિલ્મ 'એક વિલન રિટર્ન્સ'ની આખી ટીમ હાલમાં યુપી પોલીસના એક ફની ટ્વીટથી હેરાન છે. જ્હોન અબ્રાહમ, અર્જુન કપૂર, દિશા પટણી અને તારા સુતારિયા અભિનીત ફિલ્મના પોસ્ટરને યુપી પોલીસ દ્વારા ટ્વીટ કરવામાં આવ્યું હતું અને લખવામાં આવ્યું હતું કે, 'ઇન્સ્યોરિંગ નો વિલન રિટર્ન્સ'. તેમજ આ ફિલ્મમાં એક ગીત છે - 'તેરી ગલિયાં.' યુપી પોલીસે પોતાના ટ્વિટમાં ફિલ્મના આ ગીત પર ટિપ્પણી પણ કરી છે. સમગ્ર ટ્વીટનો ઉદ્દેશ એ છે કે કોઈના વિલન ન બનો.. કારણ કે ગુનાની એક માત્ર સિક્વલ જેલ છે. તમારી શેરીઓ સુરક્ષિત બનાવવા માટે 112 ડાયલ કરો.

રાજ્યના ADG કાયદો અને વ્યવસ્થા પ્રશાંત કુમારે કહ્યું કે, પોલીસ સોશિયલ મીડિયાનો વધુ સારો ઉપયોગ કરી રહી છે. આ તેની સર્જનાત્મકતા પણ દર્શાવે છે. યુપી પોલીસની આ ટ્વિટ વાયરલ થવાને કારણે ફિલ્મનું ટ્રેલર અને ગીત ખૂબ જ ચર્ચામાં છે. દિશા પટની સહિત ફિલ્મના કલાકારો અને નિર્દેશક મોહિત સૂરીએ યુપી પોલીસના ટ્વીટ પર પ્રતિક્રિયા આપી છે. ફિલ્મના મુખ્ય કલાકારોએ 27 જૂને તેમના સોશિયલ મીડિયા હેન્ડલ્સ દ્વારા પોસ્ટર શેર કર્યા હતા. આ ફિલ્મ 29 જુલાઈએ સિનેમાઘરોમાં રિલીઝ થશે. આ ફિલ્મ આઠ વર્ષ પહેલા બનેલી ફિલ્મ 'એક વિલન'ની સિક્વલ છે. એક વિલન ફિલ્મમાં સિદ્ધાર્થ મલ્હોત્રા, શ્રદ્ધા કપૂર અને રિતેશ દેશમુખે અભિનય કર્યો હતો.