Gujarati News

Gujarati News

News of Tuesday, 8th September 2020

અભિનય માટે બહેને પ્રેરણા આપી હતીઃ શ્રુતિ

અભિનેત્રી શ્રુતિ ઝાને લોકો તેના કુમકુમ ભાગ્ય નામના શોને કારણે વધુ ઓળખે છે. આ શોમાં તે અભીના રોલમાં શબ્બીર અહલુવાલીયા સાથે કામ કરી રહી છે. બંનેની જોડી દર્શકોને ખુબ પસંદ પડે છે. સોમથી શુક્ર રાતે નવ વાગ્યે ઝી ટીવી પર દેખાડવામાં આવતી આ સિરીયલની અભિનેત્રી શ્રુતિએ કહ્યું હતું કે હું અગાઉ સ્કૂલના સમયમાં નાટકોમાં ખુબ ભાગ લેતી હતી. મેં કદી પણ અભિનયના ફિલ્ડમાં આવવાનું વિચાર્યુ નહોતું. હું ખુબ જ શરમાળ હતી. પણ મારી બહેન મિનાક્ષીએ મને અભિનયમાં કારકિર્દી ઘડવા આગળ વધારી હતી. હું પહેલી વખત ઓડિશન આપવા ગઇ ત્યારે મને આશા જ નહોતી કે હું સિલેકટ થઇશ. મોડેલીંગ એજન્સીના એ ઓડિશનમાં હું મેકઅપ વગર સીધી જ કોલેજથી પહોંચી ગઇ હતી. અનેક સુંદર છોકરીઓ ત્યાં કતારમાં હતી. મેં ચશ્મા પણ પહેરેલા હતાં. મને એ લોકોએ ચશ્મા કાઢી નાંખવા કહ્યું હતું. મને એમ જ હતું કે મને કામ નહિ જ મળે. પણ મારી નેચરલ એકટીંગ એમને ગમી અને હું સિલેકટ થઇ. બિહારના બેગુસરાયની શ્રુતિ હવે મુંબઇમાં રહે છે.

(9:57 am IST)
  • ૭૬ વર્ષના શિબુ સોરેન કોરોનામાંથી હેમખેમ બચ્ચા :ઝારખંડના પૂર્વ મુખ્યમંત્રી શિબુ સોરેન ૨૧ ઓગષ્ટે કોરોનાથી સંક્રમીત થયેલ. ૧૬ દિવસની લાંબી સારવાર બાદ સ્વચ્છ થઇ તેઓ હરીયાણાની વેદાંતા હોસ્પિટલમાંથી ડીસ્ચાર્જ થયા છે. રાજયસભાના સભ્ય શિબૂ સોરેન થોડો દિવસ દિલ્હીમાં રહેશે અને ચોમાસુ સત્રમાં હાજરી પણ કદાચ આપશે. access_time 2:40 pm IST

  • નરેન્દ્રભાઇના વડપણ હેઠળ સાંજે ૬ વાગે કેન્દ્રીય કેબીનેટની તાકિદની બેઠક : તે પહેલા સલામતી બાબતોની કેબીનેટ કમીટીની બેઠક પણ મળે તેવા નિર્દેશ access_time 3:29 pm IST

  • ગુજરાતમાં રાજકીય નેતાઓ ઉપર પણ કોરોના તૂટી પડયો : રાજયમાં ૨૦ ધારાસભ્‍યો, ૪ સંસદ સભ્‍યો, બે પ્રધાનો, એક ભૂતપૂર્વ મુખ્‍યમંત્રી અને ૭૦ બીજા રાજકીય નેતાઓને અત્‍યાર સુધીમાં કોરોના પોઝિટિવ વળગી ચૂક્‍યો છે. (ન્‍યુઝફર્સ્‍ટ) access_time 6:03 pm IST