Gujarati News

મુંબઈ: સિદ્ધાર્થ મલ્હોત્રાની નવી ફિલ્મ 'યોદ્ધા' 7 જુલાઈ, 2023ના રોજ રિલીઝ થવાની છે. તો આવી સ્થિતિમાં, અભિનેતાએ આ વિશે ખુલાસો કર્યો છે અને કહ્યું છે કે આ ફિલ્મમાં તમને મારો નવો લુક જોવા મળશે. પુષ્કર ઓઝા અને સાગર અંબ્રે દ્વારા દિગ્દર્શિત થ્રિલર યોદ્ધા એક હાઇજેકિંગ પર આધારિત છે. આ ફિલ્મમાં સિદ્ધાર્થ એક્શનથી ભરપૂર ભૂમિકામાં અને સંપૂર્ણપણે નવા અવતારમાં છે. આ ફિલ્મમાં સિદ્ધાર્થ મલ્હોત્રાની સાથે કો-સ્ટાર દિશા પટણી અને રાશિ ખન્ના જોવા મળશે. તેણે ફિલ્મના પોસ્ટર સાથે તેના Instagram પર લખ્યું "એક્શન, રોમાંચ અને મોટા પડદાના મનોરંજનથી ભરપૂર, અમારો યોદ્ધા તમારી નજીકના સિનેમાઘરોમાં ઉતરી રહ્યો છે, તેથી તમારો સીટ બેલ્ટ બાંધો. 7 જુલાઈ, 2023 ના રોજ સિનેમાઘરોમાં યોદ્ધા,"