Gujarati News

Gujarati News

News of Wednesday, 9th September 2020

નવોદિત હિતેષનું કામ સૌને ગમ્યું

ડિજીટલ પ્લેટફોર્મ પર ફિલ્મો અને વેબ સિરીઝ થકી અનેક નવા કલાકારો પણ કાઠુ કાઢી રહ્યા છે. તાજેતરમાં રિલીઝ થયેલી શાહરૂખ ખાનના રેડ ચિલીઝ એન્ટરટેઇનમેન્ટ દ્વારા નિર્મિત અને અતુલ સબરવાલ નિર્દેશીત ફિલ્મ 'કલાસ ઓફ ૮૩'ને ચાહકોએ ખુબ પસંદ કરી છે. આ ફિલ્મથી બોબી દેઓલે પણ ડિજીટલ ડેબ્યુ કર્યુ છે. આ ઉપરાંત પાંચ યુવા અભિનેતાઓએ પણ પોતાના અભિનય થકી બધાનું ધ્યાન ખેંચવામાં સફળતા મેળવી છે. ફિલ્મમાં એક અભિનેતા હિતેષ ભોજરાજ પણ છે. તેણે આ ફિલ્મમાં મુંબઇ ક્રાઇમ બ્રાંચના એક અધિકારી વિષ્ણુ વર્દેનું પાત્ર ભજવ્યું છે.

હિતેષ મુળ મુંબઇનો જ છે. તેણે નાટકોમાં કામ કર્યુ છે. તે આઠ વર્ષની ઉમરે જ પ્રોફેશન નાટકોમાં કામ કરવા માંડ્યો હતો. હવે કલાસ ઓફ ૮૩ થકી તેને ફિલ્મમાં કામ મળ્યું છે. તે શાસ્ત્રીય સંગીતની તાલિમ પણ લઇ ચુકયો છે અને કિશોર કુમાર તેના આદર્શ છે. અભિનય સાથે ગાયકીમાં પણ તે આગળ વધવા ઇચ્છે છે.  એમબીએ કર્યા પછી તે અભિનયના ફિલ્ડમાં આવ્યો છે. તે કહે છે અમે બોબી દેઓલને મળ્યા ત્યાં જ મારા મગજમાં દુનિયા હસીનો કા મેલા...ગીત વાગવા માંડ્યું હતું. પહેલી વખત મળતાં ડર લાગ્યો હતો. પણ તેણે અમને ખુબ પ્રેમાળ વર્તનથી મિત્ર અને મદદગાર બનાવી લીધા હતાં. શાહરૂખે નેપોટિઝમના વિવાદ વચ્ચે એક સાથે પાંચ નવોદિતોને કામ આપ્યું છે.

(9:47 am IST)
  • કેબીનેટ બેઠકમાં મંત્રી જવાહર ચાવડાની માસ્ક વગર હાજરી : ગાંધીનગરમાં આજે મુખ્યમંત્રી વિજયભાઇ રૂપાણીની અધ્યક્ષતામાં કેબીનેટ બેઠક મળી હતી. જેમાં મંત્રી જવાહર ચાવડા માસ્ક વગર પહોંચ્યા હતા. સ્વર્ણીમ સંકુલમાં જ કર્મચારીઓના ટેસ્ટીંગ કરવામાં આવતા પોઝીટીવ કેસો આવ્યા હતા. access_time 3:20 pm IST

  • ' એમ્પ્લોયીઝ પ્રોવિડંડ ફંડ ઓર્ગેનાઇઝેશન ( EPFO ) ની આજ બુધવારે મિટિંગ : 2019-20 ની સાલ માટે માર્ચ માસમાં ભલામણ કરાયેલ 8.50 ટકા વ્યાજને હજુ સુધી કેન્દ્ર સરકારની મંજૂરી નથી મળી : ગયા વર્ષે 8.65 ટકા વ્યાજ ચુકવાયું હતું : છેલ્લા 7 વર્ષનો સૌથી ઓછો વ્યાજ દર માન્ય રાખવામાં પણ વિલંબ થવાથી મિટિંગમાં મુદ્દો ઉઠાવાય તેવી સંભાવના access_time 2:09 pm IST

  • નિર્માતા- દિગ્દર્શક હિરેન પરમારને કોરોના : જાણીતા નિર્માતા- દિગ્દર્શક સ્ટુડીયો તિરથના હિરેન પરમારને કોરોના પોઝીટીવઃ તબીયત સારીઃ પોતાના નિવાસસ્થાને જ હોમકવોરેન્ટાઈન access_time 3:19 pm IST