Gujarati News

Gujarati News

News of Tuesday, 10th November 2020

'લક્ષ્મી' ફિલ્મમાં કોમેડી-હોરરનો ડબલ ડોઝ

અક્ષયના ચાહકોને ગમશેઃ ફિલ્મ ધીમી અને બોરીંગ છે

મુંબઇ, તા.૧૦: લાંબા સમયની રાહ જોયા બાદ અક્ષય કુમારની ફિલ્મ  'લક્ષ્મી ફાઈનલી રિલીઝ થઈ ગઈ છે. આ ફિલ્મ પર વચ્ચે ખૂબ વિવાદ થયો હતો, પરંતુ હવે તેને ઓટીટી પર રિલીઝ કરી દેવામાં આવી છે. આ ફિલ્મ તમિલ મૂવી 'કંચના' હિન્દી રિમેક છે.

સ્ટોરીઃ આસિફ (અક્ષય કુમાર) અને રશ્મિ (કિઆરા)ના લગ્ન થયા છે પરંતુ આ આંતરધર્મીય છે. બંનેએ ભાગીના લગ્ન કર્યા હતા. આસિફ ઈચ્છતો હતો કે તેની પત્ની રશ્મિ એકવાર ફરીથી પોતાના પરિવારને મળી અને તેમની સાથે જોડાય. રશ્મિના માતા-પિતાની સિલ્વર જયુબલી એનિવર્સરી છે અને પછી તેની માતા તેને ઘરે બોલાવે છે, અહીંથી જ ફિલ્મની સ્ટોરી શરૂ થાય છે. આસિફ નિર્ણય લે છે કે તે આ વખત રશ્મિના પરિવારને મનાવીને રહેશે. પરંતુ ઘરે આવતા પહેલા આસિફ તે જમીન પર પહોંચી જાય છે, જયાં તેને નહોતું જવું જોઈતું અને તેની આખી જિંદગી બદલાઈ જાય છે. આસિફ દરેક વાત પર બોલે છે, 'મા કસમ બંગડીઓ પહેરી લઈશ.' અને બાદમાં તેને બંગડીઓ પહેરવી પડે છે કારણ કે તેની અંદર એક આત્મા આવી ગઈ છે. પરંતુ આસિફે બંગડીઓ કેમ પહેરી છે, તેનો એક ઉદ્ઘેશ્ય છે જે ખૂબ જ ઈમોશનલ છે અને તે આ ફિલ્મ જોઈને તમને ખબર પડી જશે.

રિવ્યૂઃ જો તમે રાદ્યવ લોરેન્સની તમિલ ફિલ્મ 'કંચના' જોઈ છે તો સ્ટોરી તે જ છે પરંતુ ટ્રિટમેન્ટ થોડી અલગ છે. પહેલો સીન જોરદાર છે અને અક્ષય કુમારની એન્ટ્રી ધમાકેદાર છે. અક્ષય કુમારની પરફોર્મન્સ સારી છે પરંતુ જયારે તમને લાગે છે કે ફિલ્મ ઝડપથી આગળ વધવી જોઈએ ત્યારે તેમાં નાટકિય સીન તેને સ્લો કરી દે છે. આટલું જરૂર છે કે ફિલ્મમાં લક્ષ્મીની એન્ટ્રી ધમાકેદાર છે અને અક્ષય કુમારે પોતાના પાત્રને સારો ન્યાય આપ્યો છે. જે પ્રશંસાના પાત્ર છે. એક લાંબા સમય બાદ અક્ષય કોમેડી રાખીને પણ સીરિયસ પાત્રને તેના અંજામ સુધી પહોંચાડ્યું છે. લક્ષ્મીના પાત્રમાં શરદ કેલકારનો નાનકડો રોલ છે પરંતુ તે છાપ છોડી જાય છે. જો તમને હોરર ફિલ્મોથી ડર લાગે છે તો આ ફિલ્મને જોઈ લો કારણ કે આ હોરર ફિલ્મ નથી પરંતુ એક સારો સંદેશ આપે છે. અક્ષય અને કિઆરાની જોડી જામી રહી નથી કારણ કે અક્ષયની ઉંમર દેખાય છે પરંતુ કિઆરાના લુકસ તો તમે જાણો જ છો. કિઆરા દરેક ફિલ્મ સાથે વધુ સારી થતી જાય છે. રાધવ લોરેન્સે ફિલ્મનું ડિરેકશન કર્યું છે તો સાઉથના પ્રભાવથી તમે નહીં બચી શકો. જો તમને સાઉથની ફિલ્મો પસંદ છે તો ઠીક નહીંતર પહેલા સોન્ગ બાદ ફિલ્મથી તમારું ધ્યાન ભટકી જશે અને કદાચ જોવાનું પણ મન નહીં કરે. આ ફિલ્મનું દરેક સોન્ગ સ્ટોરીને ખતમ કરવાનું કામ કરે છે. ભલે 'બુર્જ ખલીફા' સોન્ગ હિટ થઈ ગયું પરંતુ જો તમે થિયેટરમાં આ ફિલ્મ જોવા ગયા હોત તો નિશ્ચિત રૂપે વોશરૂમમાં જતા રહ્યા હોત. ફિલ્મમાં સપોર્ટિંગ કાસ્ટ તરીકે અશ્વિની કલસેકર, રાજેશ શર્મા, આયશા રજા અને મનુ ઋષિએ સારું કામ કર્યું છે.

(3:23 pm IST)