Gujarati News

મુંબઈ: બોલિવૂડ અભિનેત્રી ઇશા દેઓલે તેના ઇન્સ્ટાગ્રામ એકાઉન્ટ હેક થયા બાદ સોશિયલ મીડિયા યુઝર્સને ચેતવણી આપી હતી, કોઈ પણ લિંકને ચેક કર્યા વિના ક્લિક કરવાનું ટાળવું. રવિવાર સાંજ સુધીમાં ઇશાનું ખાતું પુન:સ્થાપિત કરવામાં આવ્યું હતું.રવિવારે સાંજે ઇશાએ તેના વેરિફાઇડ ઈન્સ્ટાગ્રામ એકાઉન્ટમાંથી એક ચીઠ્ઠી શેર કરી હતી જેમાં જણાવ્યું હતું કે તેનું હેક થયેલ એકાઉન્ટ ફરીથી સ્થાપિત થઈ ગયું છે અને તે જ સમયે, ઇશાએ લોકોને ચેતવણી પણ આપી હતી કે હેકર્સના કેચમાં ન આવે. અભિનેત્રીએ લખ્યું, "મિત્રો, હું તમને ફક્ત એટલું જ કહેવા માંગુ છું કે મારું ઇન્સ્ટાગ્રામ એકાઉન્ટ ફરીથી સ્થાપિત થયું છે. હું આ માટે ઇન્સ્ટાગ્રામની ટીમને આભારી છું, જેમણે તત્કાળ કામ કર્યું હતું અને જરૂરી પગલાં લીધાં હતાં.  તમારું એકાઉન્ટ કોઈપણ દ્વારા હેક થઈ રહ્યું છે તેના વિશે સાવચેત રહો, ખાસ કરીને કોઈ પણ લિંકને તપાસ્યા વિના ક્લિક ન કરો.