Gujarati News

Gujarati News

News of Friday, 11th June 2021

રીનાને ભજવવા છે ગ્રે શેડ પાત્રો

અભિનેત્રી રીના કપૂર એક દસકથી ઇન્ડસ્ટ્રીમાં કામ કરી રહી છે. તેણે સોૈથી વધુ શાંત અને સકારાત્મક પાત્રો ભજવ્યા છે. હાલમાં તે રંજૂ કી બેટીયા શોમાં માનો રોલ નિભાવી રહી છે. પિતૃસત્તાક સમાજમાં તે એકલે હાથે ચાર ચાર દિકરીઓની દેખભાળ કરી રહી છે. તેના દરેક પાત્રો જો કે દર્શકોને પસંદ પડ્યા છે. રીના કહે છે હવે મારી ઇચ્છા કંઇક અલગ કરવાની છે. મારે નેગેટિવ-ગ્રે શેડ પાત્રો પણ હવે તક મળે તો ભજવી લેવા છે. મારા માટે ચોક્કસપણે આ ભુમિકા પડકારરૂપ હશે. શોમાં દિપશીખા નાગપાલ રંજૂના પતિ અયુબ ખાનની બીજી પત્નિની ભુમિકા નિભાવી રહી છે. રીના કહે છે મને મારી ભુમિકાઓ સાથે પ્રયોગ કરતાં રહેવું ગમે છે. કદાચ નેગેટિવ પાત્રો મળે તો હું એ નિભાવવામાં અસહજ જરાય નહિ હોઉં.  દરેક કલાકાર પોતાને મળતા પાત્રોને અલગ રીતે નિભાવતા હોય છે. શોમાં દિપશીખા લલીતાનું પાતર ખુબ સારું નિભાવી રહી છે. મારું પાત્ર રંજુ બહુ ભણેલુ નથી છતાં તે પોતાના દમ પર જિંદગી જીવે છે.

(10:23 am IST)