Gujarati News

Gujarati News

News of Friday, 11th June 2021

મને ઓટીટીની અભિનેત્રી પણ કહી શકાયઃ શ્રીયા

અભિનેત્રી શ્રીયા પિલગાંવકરે કારકિર્દીની શરૂઆત પાંચ વર્ષ પહેલા શાહરૂખ ખાન સાથેની ફિલ્મ ફેનથી કરી હતી. તેના અભિનયના સોૈએ વખાણ કર્યા હતાં. એ પછી તે સતત આગળ વધી રહી છે. વેબ સિરીઝ મિરઝાપુર અને હાઉસ એરેસ્ટની શ્રીયાની એકટીંગે સોૈને આંજી દીધા હતાં. હવે તે અનેક ભાષામાં બનેલી ફિલ્મ હાથી મેરે સાથીમાં રિપોર્ટરના રોલમાં છે. આ રોલ વિશે શ્રીયા કહે છે કે અનેક અવરોધો, આડખીલીઓ પાર કરીને બલદેવ (રાણા દગ્ગુબાતી)ને હાથીઓને ન્યાય મળે તે માટે મારું પાત્ર તેને સતત મદદ કરે છે. આ એક બહાદુર છોકરી છે. અભિનેત્રી તરીકે મને દરેક પાત્રો ભજવવાની તક મળી રહી છે. શ્રીયા આગળ કહે છે ઓટીટી પર મેં ખુબ ઘણું કામ કર્યુ છે. આથી લોકો મને ઓટીટીની અભિનેત્રી પણ કહી શકે છે. પણ મને લાગે છે કે લોકોના વિચારો બદલવા જોઇએ. સાઉથની ફિલ્મો કરવામાં પણ મને વાંધો નથી. હાથી મેરે સાથી એ બહુભાષી ફિલ્મ છે. આ કામ કરવું ખુબ પડકારરૂપ હતું. મને અલગ ભાષા બોલવામાં ખુબ મજા આવી હતી. ઉતાવળથી હું સંવાદ બોલવામાં ભુલ પણ નહોતી કરતી.

(10:24 am IST)
  • સીનીયર ક્લાર્ક માટેની પરીક્ષા ૩૧ જુલાઈએ લેવાશે : ગૌણ સેવા પસંદગી મંડળે સીનીયર ક્લાર્કની પરીક્ષા માટેની તારીખ જાહેર કરી દીધી. હવે ૩૧ જુલાઈએ લેવાશે સીનીયર ક્લાર્ક માટેની પરીક્ષાઓ લેવાશે. અગાઉ ૨૪ જુલાઈનુ આયોજન હતુ પરંતુ હવે તે તારીખ થોડી પાછી લઈ જાય અને ૩૧ જુલાઈ કરવામાં આવી છે. access_time 9:53 pm IST

  • આખરે ટીએમસી માંથી ભાજપમાં શામેલ થયેલ બંગાળના દિગ્ગજ નેતા મુકુલ રોયની ઘર વાપસી થઈ : ફરી ટીએમસીમાં જોડાયા : ભાજપ માટે શરમજનક ઘટના : હજુ ઘણાં ધારાસભ્યો સહિત ભાજપના નેતાઓ પણ તેમની મૂળ પાર્ટી ટીએમસીમાં પાછા જાય તેવી સંભાવના : CM મમતા બેનર્જી બપોરે 3.30 વાગ્યે ટીએમસી ભવન ખાતે પ્રેસ કોન્ફરન્સ કરશે તેમ જાણવા મળે છે. (ન્યુઝફર્સ્ટ) access_time 2:42 pm IST

  • મહારાષ્ટ્ર ના રાજકારણમાં ગરમાવો : ગઈકાલે CM ઠાકરેની PM મોદી સાથેની મુલાકાત બાદ શિવસેના ના સંજય રાઉતે PM મોદી ના ખૂબ વખાણ કર્યા બાદ આજે NCP સુપ્રીમો શરદ પવારે, રાજકારણના વીખ્યાત સ્ટ્રેટેજિસ્ટ પ્રશાંત કિશોરને પોતાના ઘરે લંચ માટે આમંત્રણ આપતા અનેક તર્ક - વિતર્ક પર ચર્ચાઓ શરૂ થઈ ગઈ છે. (ન્યૂઝફર્સ્ટ) access_time 9:55 am IST