Gujarati News

Gujarati News

News of Friday, 11th June 2021

‘યે રિશ્તા ક્યા કહેલાતા હૈ’ના અભિનેતા કરણ મહેરા અને પત્ની નિશા રાવલના સંબંધમાં ખટાશ વચ્ચે બંનેનો બેડરૂમનો વીડિયો વાયરલ થતા ભારે ચર્ચા

નવી દિલ્હી: 'યે રિશ્તા ક્યા કહેલાતા હૈ'માં નૈતિકની ભૂમિકા ભજવનારા અભિનેતા કરણ મહેરા અને તેની પત્ની નિશા રાવલના સંબંધમાં ખુબ ખટાશ આવી ગઈ છે. બંને કલાકારો લગ્નજીવનમાં કંકાસને લઈને ખુબ ચર્ચામાં છે. હાલમાં જ નિશા રાવલની ફરિયાદના પગલે કરણ મહેરાની મુંબઈ પોલીસે ધરપકડ કરી હતી. જો કે ત્યારપછી તરત જામીન પર છૂટકારો પણ થઈ ગયો હતો. કરણની પત્ની નિશાએ તેના વિરુદ્ધ ઘરેલુ હિંસાનો કેસ દાખલ કર્યો છે. બંનેનો આ ઝઘડો હવે રસ્તા પર આવી ગયો છે જે ઓછો થવાની જગ્યાએ દિન પ્રતિદિન વધી રહ્યો છે. તેમના આ ઝઘડામાં હવે તેમના મિત્રો અને કલાકારો પણ ખુલીનો પોતાનો પક્ષ રજુ કરી રહ્યા છે. કોઈ નિશાને સપોર્ટ કરે છે તો કોઈ કરણને. જો કે હવે કરણ અને નિશાનો એક એવો વીડિયો વાયરલ થઈ રહ્યો છે તે વીડિયોની હાલ ખુબ ચર્ચા છે.

નિશા રાવલ અને કરણ મહેરાનો વાયરલ થઈ રહ્લો આ બેડરૂમ વીડિયો ખુદ નિશાએ જ પોતાના ઈન્સ્ટાગ્રામ એકાઉન્ટ પર શેર કર્યો હતો. આ વીડિયોમાં તમે જોઈ શકો છો કે નિશા કરણ સાથે જે મુદ્દે વાત કરી રહી છે તેમા કરણને બિલકુલ રસ નથી. તે નિશાની વાતો પર જવાબ આપવાની કરણની રીત ખુબ જ આશ્ચર્યજનક જોવા મળી રહી છે. આ દરમિયાન નિશા કહે છે કે લોકો આપણને જોવા માંગે છે. ચલો ફની વીડિયો બનાવીએ. પરંતુ કરણ વીડિયો બનાવવા માટે નિશાની વાત માનવાની ના પાડી દે છે. પછી નિશા કહે છે કે ચલો આપણે રિલેશનશીપ પર જ વાત કરીએ પરંતુ કરણ જરાય રસ દાખવતો નથી અને વારંવાર પોતાનો ફેસ છૂપાવવાની કોશિશ કરે છે. બંનેનો આ વીડિયો હાલ સોશિયલ મીડિયા પર ખુબ વાયરલ થઈ રહ્યો છે.

અત્રે જણાવવાનું કે તાજેતરમાં જ બોલીવુડ અભિનેત્રી રાખી સાવંતે પણ કરણ અને નિશા અંગે પોતાનું રિએક્શન આપ્યું હતું. હકીકતમાં પત્રકારો સાથે વાત કરતા રાખી સાવંતનો એક વીડિયો વાયરલ થયો હતો. આ દરમિયાન રાખી કહેતી જોવા મળી કે નિશા અંગે સાંભળીને ખુબ દુખી છું. તે કહે છે કે બધુ સાંભળીને હવે લગ્ન પરથી ભરોસો ઉઠી ગયો છે.

વીડિયોમાં રાખી એમ પણ કહેતી જોવા મળે છે કે 'હું ખુબ દુખી છું. મારો લગ્ન પરથી ભરોસો ઉઠી ગયો છે. અમે લોકો અમેરિકા ગયા હતા ચાર પાંચ વર્ષ પહેલા. એક જ બિલ્ડિંગમાં રહેતા હતા. તે દર વર્ષે કરણ માટે કરવાચૌથનું વ્રત કરતી હતી. હાથમાં મહેંદી મૂકતી હતી. તેમનો એક નાનકડો પુત્ર પણ છે. તેને કેટલું વાગ્યું છે, માથા પરથી લોહી વહેતું હતું (નિશામાટે કહે છે)'

(5:10 pm IST)
  • એક લાખ કરોડ રૂપિયાના IL&FS કૌભાંડમાં માસ્ટર માઈન્ડ અને ઈન્ફ્રાસ્ટ્રક્ચર લીઝિગ એન્ડ ફાઈનાન્સિયલ સર્વિસ પૂર્વ ચેરમેન રવિ પાર્થશારથીની ધરપકડ : ચેન્નાઈ પોલીસની અપરાધ શાખા એ ધરપકડ કરી :ઈકોનોમિક ઓફિસ (EOW)એ કહ્યું કે પૂર્વ ચેરમેન રવિ પાર્થસારથીના નેતૃત્વમાં IL&FS ફ્રોડ કરવાનું મુખ્ય મથક બની ગયું હતું. access_time 12:41 am IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • ઉત્તર પ્રદેશમાં ઝડપભેર નવા બનાવો આકાર લઇ રહ્યા છે: આનંદીબેનને મળતા આદિત્યનાથ :અત્યારે રાત્રે મળતા અહેવાલો પ્રમાણે ઉત્તર પ્રદેશના મુખ્યમંત્રી યોગી આદિત્યનાથ ઉત્તર પ્રદેશના રાજ્યપાલ શ્રીમતી આનંદીબેન પટેલને મળવા ગયા છે. ઉત્તર પ્રદેશના પ્રધાનમંડળમાં ઝડપભેર મહત્વના ફેરફારો આવી રહ્યાના સ્પષ્ટ નિર્દેશો મળે છે access_time 9:12 pm IST