Gujarati News

મુંબઇ,તા.૧૬: ચંદન રોય સાન્યાલે 'આશ્રમ ૩'નું શૂટિંગ શરૂ કર્યું છે. પ્રકાશ ઝાએ તેમની 'આશ્રમ ૩'નું  શૂટિંગ જયપુરમાં શરૂ કર્યું છે. એક મહિના લાંબું આ શૂટિંગ શેડ્યુલ છે. 'આશ્રમ'માં ચંદને ભોપા સ્વામીનું પાત્ર ભજવ્યું હતું જે બાબા નિર્મલ એટલે કે બોબી દેઓલનો રાઇટ હેન્ડ હોય છે. આ વિશે વાત કરતાં ચંદને કહ્યું હતું કે 'મારા કરીઅરમાં 'આશ્રમ'એક ટર્નિંગ પોઇન્ટ બન્યો છે. એકટર દ્વારા આ શોએ મને ખાસ ઓળખ આપી છે. શૂટ સારી રીતે થાય એ માટે પ્રોડકશન-હાઉસ દ્વારા દરેક પ્રકારની કાળજી રાખવામાં આવી રહી છે. ભોપા સ્વામીને ફરી ભજવવું મારા માટે ઘણું એકસાઇટિંગ છે અને આ શોમાં નવા ટ્વિસ્ટ માટે તૈયાર રહો.