Gujarati News

Gujarati News

News of Thursday, 22nd April 2021

નુસરતે વધુ એકવાર અભિનય ક્ષમતા દેખાડી

એક દસકાથી પણ વધુ સમયથી બોલીવૂડમાં કામ કરી રહેલી નુસરત ભરૂચાએ પોતાની અભિનય ક્ષમતાને આધારે બોલીવૂડમાં ખુબ મજબૂત સ્થાન બનાવી લીધું છે. મોટી ફિલ્મો મેળવતી હિરોઇનોના લિસ્ટમાં નુસરતનું નામ પણ સામેલ છે. તાજેતરમાં આવેલી તેની ફિલ્મ અજીબ દાસ્તાન્સમાં તેનું પાત્ર જોઇ ચાહકો વાહ પોકારી ગયા છે. નુસરતે અજીબ દાસ્તાન્સના ચાર ભાગ પૈકીના ખિલોૈના નામના ભાગમાં મુખ્ય ભુમિકા નિભાવી છે. જેમાં તે કામવાળી બાઇના રોલમાં જોવા મળી છે. તે ઘરમાં કચરા પોતા કરે છે, રસોઇ બનાવે છે અને બીજા બધા જ કામ કરે છે. આ પાત્ર માટે નુસરતે પારકા ઘરના કામ કરતી મહિલાઓમાંથી પ્રેરણા લીધી હતી. જો કે નુસરતના પરિવારજનો કહે છે કે રસોઇની બાબતમાં નુસરત પર ભરોસો કરાય તેમ નથી. તેને બનેલુ ભોજન માત્ર ગરમ કરવાનું કહેવામાં આવે તો પણ તે બાળી નાંખે તેમ છે. જો કે નુસરત કહે છે મારો આ ફિલ્મનો અભિનય જોયા પછી મારા પરિવારજનો મારા પ્રત્યેની આ ધારણામાં ફેરફાર કરશે. નુસરતની આગામી ફિલ્મોમાં હુડદંગ, છોરી અને રામસેતુ સામેલ છે. 

(10:18 am IST)
  • દેશમાં હાહાકાર મચી ગયો : છેલ્લા 24 કલાકમાં ભારતમાં ઓલટાઈમ રેકર્ડબ્રેક 3 લાખથી વધુ નવા કોરોના કેસ નોંધાયા અને 2050 થી વધુ દુઃખદ મૃત્યુ નોંધાયા : લોકો ખળભળી ઉઠ્યા access_time 11:23 pm IST

  • રાજયમાં કોરોનાની સારવાર માટે નવી ગાઈડલાઈન જાહેર : કેટલાક કલીનીકલ પ્રોટોકોલમાં ફેરફાર જાહેર કર્યા : ગુજરાત સરકારની એકસપર્ટ ડોકટરોની પેનલે આજે કોરોના માટેની સારવારમાં આઈવરમેકટીન અને ફેવીપીરાવીર મેડીસીનનો ઉમેરો જાહેર કર્યો છે : હવે કોરોના માટેની સારવારમાં ઉપરની બે દવાનો ઉપયોગ કરવા માટે ગુજરાત સરકારે નવી કલીનીકલ પ્રોટોકોલ મેનેજમેન્ટ જાહેર કર્યાનું ડો.શાહએ જાહેર કર્યુ છે : તેમણે બીનજરૂરી દવા નહિં લેવાનું પણ કહ્યુ છે, અન્ય રાજયોના પ્રોટોકોલની ગાઈડલાઈનનો અભ્યાસ કર્યા પછી તથા ટાસ્ક ફોર્સ અને તજજ્ઞો સાથે ચર્ચા કરી નવી ગાઇડલાઈન જાહેર થઈ છે access_time 6:09 pm IST

  • આજે રાજકોટ શહેર - જિલ્લામાં કોરોનાએ ફરી જોર પકડ્યું : આજે સાંજ સુધીમાં રાજકોટ શહેરમાં 697 અને ગ્રામ્યના 65 કેસ સાથે કુલ 762 નવા કોરોના ના કેસ નોંધાયા access_time 7:30 pm IST