Gujarati News

Gujarati News

News of Tuesday, 23rd February 2021

ગુરમિતની હોરર ફિલ્મનું શુટીંગ પુરૂ

અભિનય ક્ષેત્રે આમ તો ૨૦૦૪થી કામ કરી રહેલા ગુરમિત ચોૈધરીને ૨૦૦૮માં આવેલા ટીવી શો રામાયણમાં ભજવેલા રામના પાત્રથી ઓળખ મળી હતી. એ પછી તેણે પાછળ વળીને જોયુ નથી. ગીત-હુઇ સબસે પરાઇ, પુનર્વિવાહ જેવા શો પણ તેણે કર્યા છે. ઝલક દિખલા જા, નચ બલીયે, ફિયર ફેકટર જેવા રિયાલીટી શોમાં પણ તે જોવા મળી ચુકયો છે. ટીવી પરદેથી બોલીવૂડમાં છલાંગ લગાવી તેણે ચાર ફિલ્મો ખામોશિયા, વજહ તુમ હો, લાલી કી શાદી મેં લડ્ડૂ દિવાના અને પલટન કર્યા પછી હવે તેની પાંચમી ફિલ્મ આવી રહી છે. ગુરમિતની આ હોરર ફિલ્મ છે. 'ધ વાઇફ' નામની આ ફિલ્મનું શુટીંગ ગયા વર્ષે જ શરૂ થઇ ગયું હતું. પરંતુ કોરોના આવી જતાં શુટીંગ અટકી ગયું હતું. હવે આ ફિલ્મનું શુટીંગ પુરૂ થઇ ગયું છે. મહામારીના પડકાર વચ્ચે આ કામ પુરૂ કરાયું છે. શરમદ ખાન નિર્દેશીત આ ફિલ્મમાં ગુરમિત સાથે સયાની દત્તા છે. હાલમાં ડબીંગ ચાલી રહ્યું છે. હોરરના શોખીનોને કંઇક નવું જોવા મળે તેવી આશા રાખીએ.

(10:04 am IST)
  • કોંગ્રેસ પ્રમુખ અમિત ચાવડાના કૌટુંબિક ભાઈ પ્રશાંત ચાવડાએ ભગવો ધારણ કર્યો, રાજ્યસભાના પૂર્વ સાંસદ લાલસિંહ વડોદીયાએ આણંદમાં ખેસ પહેરાવી કર્યું સ્વાગત access_time 1:05 am IST

  • મધ્યપ્રદેશમાં પણ કોરોનાના કહેરનો ખતરો : મહારાષ્ટ્ર બોર્ડરના જિલ્લામાં એલર્ટ : આરોગ્યમંત્રીએ જિલ્લા ક્રાઈસીસ મેનેજમેન્ટ ગ્રુપ સાથે બેઠક કરી :કોરોના ગાઈડલાઇનનું ચુસ્ત પાલન કરાવવા આદેશ : મહારાષ્ટ્રથી આવનાર પ્રવાસીઓને થર્મલ સ્ક્રીનિંગ કરાશે : મોટા મેળાવડા સહિતના આયોજન પર રોક લગાવાઈ access_time 11:20 pm IST

  • ચામુંડા વાસે ત્રણ જ દિવસમાં શ્રીલંકાના બોલિંગ કોચ પદ છોડ્યું :ત્રણ દિવસ પહેલા જ ટીમના બોલિંગ કોચ પદે નિયુક્ત થયેલા ચામુંડા વસે અચાનક રાજીનામુ આપ્યું : શ્રીલંકા ક્રિકેટ એસો, સાથે પૈસાને લઈને વિવાદ હોવાથી રાજીનામુ આપ્યાનું મનાય છે access_time 11:02 am IST