Gujarati News

સચીન અને સુપ્રિયા પિલગાંવકરની દિકરી શ્રીયા પિલગાંવકરે પોતાની પ્રતિભાના જોરે સફળતા મેળવી છે. તેણે ૨૦૧૩માં  મરાઠી ફિલ્‍મથી શરૂઆત કરી હતી. એ પછી ફ્રેન્‍ચ ફિલ્‍મ કરી હતી. બોલીવૂડમાં ૨૦૧૬માં શાહરૂખ ખાન સાથે ફેનમાં કામ કર્યુ હતું. મિરઝાપુર, મર્ડર ઇન અંગોલા, ધ ગોન ગેમ, ક્રેક ડાઉન, ગિલ્‍ટી માઇન્‍ડસ, ધ બ્રોકન ન્‍યુઝ જેવા વેબ શોએ પણ તેણે ખાસ્‍સી જાણીતી બનાવી છે. હાલમાં જ તે ભુવન બામના શો તાજા ખબરમાં દેખાઇ હતી. તે કહે છે હવે ફિલ્‍મોમાં અભિનેત્રીઓને પણ મહત્‍વ અપાઇ રહ્યું છે. આમ છતાં થોડી કચાસ છે. હું ઇચ્‍છુ છુ કેસ્ત્રીઓનું માત્ર સ્‍ક્રીન પર જ નહિ દરેક ક્ષેત્રમાં યોગદાન હોવુ જોઇએ.  તે કહે છે કલાકારોને પડકારો ઉઠાવવા ગમતાં હોય છે. દરેક પાત્રના પોતાના અલગ પડકારો હોય છે. મારા માટે બોલીવૂડ ટોલીવૂડ બંને સરખા છે. આ ભારતીય ફિલ્‍મ ઇન્‍ડસ્‍ટ્રી છે. બંને ઇન્‍ડસ્‍ટ્રી એકબીજા પાસેથી કંઇક શીખે છે.