Gujarati News

Gujarati News

News of Tuesday, 24th November 2020

શરદે જીતી લીધા ચાહકોના

અક્ષય કુમારની ફિલ્મ લક્ષ્મી ઓટીટી પ્લેટફોર્મ પર દિવાળીના તહેવારમાં રિલીઝ થઇ, પરંતુ જોઇએ એવી સફળતા મળી નથી. ઘણા લોકોને આ ફિલ્મ ગમી નથી. તો વખાણ કરનારા પણ ઓછા નથી. ફિલ્મમાં અક્ષય, કિયારા ઉપરાંત એક અભિનેતા એવો પણ છે જેણે માત્ર પંદર મિનીટના અભિનયથી પણ બધાના દિલ જીતી લીધા છે. ટીવી અને ફિલ્મી પરદાનો અભિનેતા શરદ કેલકર ફિલ્મમાં અસલી લક્ષ્મીના રોલમાં છે, જે એક કિન્નર છે. લક્ષ્મીનું ભૂત અક્ષય કુમારમાં આવે છે. શરદનો રોલ ભલે બહુ મોટો નથી પણ અમુક મિનીટોના તેના પાત્રએ પણ ચાહકોમાં વાહ-વાહી મેળવી લીધી છે. શરદે લક્ષ્મીના પોતાના પાત્રમાં જીવ રેડી દીધો છે. ફિલ્મ ભલે કોઇને ગમે કે ન ગમે પણ શરદના લક્ષ્મીના પાત્રના સોૈ ભરપેટ વખાણ કરી રહ્યા છે. અભિનય, ડાયલોગ ડિલીવરી અને ટાઇમીંગની બાબતમાં શરદ મેદાન મારી ગયો છે. શરદ ફિલ્મ માટે સરપ્રાઇઝ પેકેજ સાબિત થયો છે.

(10:13 am IST)
  • કેન્દ્રીય કર્મચારીઓને આવતા વર્ષના જુલાઈથી મો. ભથ્થામાં વધારો મળશેઃ જુલાઈમાં તે ૪ ટકા વધશેઃ હાલ તે ફ્રીઝ થયેલ છેઃ ૧૭ ટકા હતુ જે વધીને ૨૧ ટકા થશે access_time 3:48 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • થાણેમાં મહારાષ્ટ્ર નવનિર્માણ સેનાના નેતા જમીલ શેખની ગોળી મારી હત્યા થઈ છે. મોટરસાયકલ ઉપર આવેલા બે અજાણ્યા શખ્સોએ શેખનો પીછો કરી માથામાં ગોળી મારી હત્યા કરી હતી. access_time 8:40 am IST