Gujarati News

અભિનેત્રી અનુષ્‍કા શર્મા લાંબા સમય પછી ફિલ્‍મી પરદે પાછી ફરી રહી છે. વિરાટ કોહલી સાથે લગ્ન બાદ તે માતા પણ બની ચુકી છે. અગાઉ તે પોતાના જ હોમ પ્રોડક્‍શનમાંથી અલગ પડી ગઇ હતી અને હવે માત્ર અભિનય પર ધ્‍યાન આપશે તેવું જાહેર કર્યુ હતું. તેની સાથે જ તેણે ફિલ્‍મ ચકડા એક્‍સપ્રેસનું શુટીંગ શરૂ કર્યુ છે. આ ફિલ્‍મમાં તે ભારતની મહિલા ક્રિકેટ ટીમની બોલર ઝૂલન ગોસ્‍વામીનો રોલ નિભાવી રહી છે. ઝૂલનના જીવન પરની આ ફિલ્‍મનું હાલમાં મુંબઇમાં શુટીંગ ચાલી રહ્યું છે. અનુષ્‍કાએ આ રોલ માટે ભરપુર મહેનત કરી છે. તેણે કહ્યું હતું કે આ ફિલ્‍મ તમામ રીતે ખુબ જોરદાર બનવાની છે. સ્‍ક્રિપ્‍ટ પણ શાનદાર છે જે દર્શકોના મન પર ઉંડી અસર કરશે. મુંબઇ પછી આ ફિલ્‍મનું શુટીંગ યુકેમાં આવતા મહિને થશે.   અનુષ્‍કા કહે છે પુરૂષ પ્રધાન દુનિયામાં મહિલાઓએ પોતાની જગ્‍યા બનાવવા વધુ મહેનત કરવી પડે છે. ઝૂલનની કહાની આ વાતનો પુરાવો આપશે. મને આશા છે હું આ રોલ ખુબ સારી રીતે નિભાવીશ.