Gujarati News

મુંબઈ: ગણેશોત્સવ નિમિત્તે બોલિવૂડના કલાકારોએ તેમના ઘરે ગણપતિની મૂર્તિ સ્થાપિત કરી અને દર્શનીય રીતે ઉજવણી કરી. જો કે, કોરોનાને ધ્યાનમાં રાખીને, આ વર્ષે પરિવારના સભ્યો સાથે સૌએ ગણપતિની પૂજા કરી હતી. દરમિયાન સારા અલી ખાને તેના ઇન્સ્ટાગ્રામ એકાઉન્ટ પર આ તસવીરો શેર કરી છે, જેમાં તે બાપ્પાની મૂર્તિની સામે ઉભી છે. સારા તમામ તહેવારો ધામધૂમથી ઉજવતી હોય છે તે પછી ગણેશ ચતુર્થીની સાથે તે ઈદ, દિવાળીની ઉજવણી કરતી પણ જોવા મળે છે. તેણે બે તસવીરો શેર કરી છે જેમાં તે હાથ જોડીને કેમેરાની સામે પોઝ આપતી જોવા મળી રહી છે. આ દરમિયાન સારા ટ્રેડિશનલ લુકમાં છે અને તેણે પિંક સૂટ પહેર્યો છે.