Gujarati News

Gujarati News

News of Friday, 30th September 2022

મૂવી રીવ્‍યુ : ‘વિક્રમ વેધા'નો ક્‍લાઇમેક્‍સ બાજી મારી જાય છે : ફિલ્‍મનો બેકગ્રાઉન્‍ડ સ્‍કોર પાવરફુલ

જો તમે એકશન મનોરંજન ફિલ્‍મના શોખીન છો અને સૈફ-રિતિકની એકિંટગના ફેન છો તો ‘વિક્રમ વેધા' ફિલ્‍મ જોવી જોઇએ

મુંબઇ,તા. ૩૦: વિક્રમ વેતાળની વાર્તા આપણે બાળપણથી સાંભળતા આવ્‍યા છીએ. ત્‍યારે બોલિવૂડ સ્‍ટાર રિતિક રોશન અને સૈફ અલી ખાનની ફિલ્‍મ ‘વિક્રમ વેધા'માં પણ વિક્રમ વેતાળની વાર્તા છે. જેમાં સ્‍પેશિયલ ટાસ્‍ક ફોર્સનો ઓફિસર વિક્રમ એટલે કે સૈફ અલી ખાન અને ગેંગસ્‍ટર રિતિક રોશન વેધા એટલે કે વેતાળ છે. ‘વિક્રમ વેધા'ના ડિરેક્‍ટર પુષ્‍કર અને ગાયત્રી આ નામથી જ તમિલમાં સુપરહિટ ફિલ્‍મ બનાવી ચૂક્‍યા છે. ‘વિક્રમ વેધા'ની વાર્તા ચોર અને પોલીસની વાર્તા છે. જેમાં ગેંગસ્‍ટર વેધા પોલીસ સમક્ષ આત્‍મસમર્પણ કરે છે અને પછી પોતાના વકીલ તરીકે વિક્રમની પત્‍ની રાધિકા આપ્‍ટેને રજૂ કરે છે. જયારે-જયારે વિક્રમ વેધાને ઝડપી લે છે ત્‍યારે વેધા તેને પોતાની વાર્તાઓમાં ગૂંચવી નાખે છે. પણ, પછી વિક્રમને એ વાતનો અહેસાસ થાય છે કે બધું દેખાય એટલું સ્‍પષ્ટ નથી. અંતમાં વેધાને વિક્રમ ઝડપી લે છે કે નહીં તે જાણવા માટે ફિલ્‍મ ‘વિક્રમ વેધા' જોવી રહી.

પુષ્‍કર-ગાયત્રીએ ‘વિક્રમ વેધા'ના પ્‍લોટને ડેવલપ કરવામાં વધારે સમય લીધો છે. જેથી ફિલ્‍મનો પહેલા ભાગ લાંબો અને ખેંચાયેલો લાગે છે. બીજા ભાગમાં વાર્તામાં ઘણાં વળાંક જોવા મળે છે. ‘વિક્રમ વેધા'ને કાનપુર-લખનઉમાં બેકડ્રોપમાં રજૂ કરાઈ છે અને કેમેરાવર્ક એટલું સારું છે કે લખનઉ તેમજ કાનપુર એક અલગ અંદાજમાં જોઈ શકાય છે. ‘વિક્રમ વેધા'નું એક્‍શન જબરદસ્‍ત છે. ફિલ્‍મમાં લવ સ્‍ટોરી વધારે સારી રીતે ડેવલપ થઈ શકે તેમ હતી. ‘વિક્રમ વેધા'નો ક્‍લાઈમેક્‍સ બાજી મારી જાય છે અને ફિલ્‍મનો બેકગ્રાઉન્‍ડ સ્‍કોર પાવરફુલ છે. એવું કહી શકાય કે ‘વિક્રમ વેધા' રિતિકની ફિલ્‍મ છે. તેમ છતાં સૈફ અલી ખાન પણ ફિલ્‍મનો આધારસ્‍તંભ સાબિત થાય છે. જો તમે એક્‍શન મનોરંજન ફિલ્‍મના શોખીન છો અને સૈફ-રિતિકની એક્‍ટિંગના ફેન છો તો ‘વિક્રમ વેધા' ફિલ્‍મ જોવી જોઈએ.

સૈફ અલી ખાન અને રિતિક રોશન સ્‍ટારર ફિલ્‍મ એ તમિલમાં બનેલી ફિલ્‍મ ‘વિક્રમ વેધા'ની રીમેક છે. ‘વિક્રમ વેધા'ની હિન્‍દી રીમેકને પણ પુષ્‍પા-ગાયત્રીએ ડિરેક્‍ટ કરી છે. ‘વિક્રમ વેધા' વિક્રમ વેતાળની લોકવાર્તા આધારિત નિયો-નોયર એક્‍શન થ્રિલર ફિલ્‍મ છે. ‘વિક્રમ વેધા' આ જ નામની તમિલ બ્‍લોકબસ્‍ટરની હિન્‍દી રિમેક છે. તમિલ ફિલ્‍મમાં આર. માધવન અને વિજય સેતુપતિ લીડ રોલમાં હતા. હૃતિક રોશન ઉપરાંત આ ફિલ્‍મમાં લીડ રોલમાં સૈફ અલી ખાન અને રાધિકા આપ્‍ટે છે. વિક્રમ વેધાનું મોટાભાગનું શૂટિંગ ભારતમાં કરવામાં આવ્‍યું છે, જેમાં લખનઉ પણ સામેલ છે. ફિલ્‍મનો એક ભાગ યુનાઈટેડ અરબ એમિરાટ્‍સમાં ઓક્‍ટોબર-નવેમ્‍બર ૨૦૨૧માં શૂટ કરવામાં આવ્‍યો હતો. કારણકે આ એકમાત્ર સ્‍થળ હતું જયાં બાયો-બબલ વાળું ઈન્‍ફ્રાસ્‍ટ્રક્‍ચર હતું. જયાં ક્રૂના સ્‍ટેની વ્‍યવસ્‍થા થઈ શકતી હતી.

(10:10 am IST)