અભિનેત્રીએ પોતે કર્યો ખુલાસો

કરીનાએ સીતાના રોલ માટે માંગ્યા હતા અધધ ૧૨ કરોડ રૂપિયા

મુંબઇ,તા. ૧૪: થોડાક સમય પહેલા બોલિવૂડ અભિનેત્રી કરીના કપૂર એક ખાસ કારણોસર ચર્ચામાં આવી હતી. કરીના કપૂરે એક ફિલ્મમાં સીતાના રોલ માટે ૧૨ કરોડ રૂપિયા ફી તરીકે માંગ્યા હતા. આ મુદ્દા પર ઘણી ચર્ચાઓ થઈ હતી. ઘણાં લોકો અને ખાસકરીને અભિનેત્રીઓ કરીનાના સમર્થનમાં આવી હતી અને તેની માંગને યોગ્ય જણાવી હતી. આખરે આ મુદ્દા પર કરીનાએ મૌન તોડ્યું છે. કરીનાએ આ મુદ્દા પર પહેલીવાર પોતાનો પક્ષ મૂકયો છે.

ઉલ્લેખનીય છે કે કરીનાએ ૧૨ કરોડ રુપિયા માંગતા ઘણી ચર્ચાઓ શરુ થઈ હતી. કરીનાએ એક ન્યુઝ પોર્ટલ સાથે વાત કરતાં જણાવ્યું કે, થોડા વર્ષો પહેલા કોઈ પણ ફિલ્મોમાં હીરો અને હિરોઈનોને એક સરખી ફી આપવાની વાત પણ નહોતુ કરતું. હવે ઘણાં લોકો આ મુદ્દા પર ખુલીને વાત કરે છે. મેં પણ સ્પષ્ટપણે જણાવ્યું કે મારે શું જોઈએછે. આ માત્ર મારી ડિમાન્ડ વિષે નથી પરંતુ મહિલાઓના સન્માનની વાત છે. મને લાગે છે કે હવે વસ્તુઓ બદલાવવા લાગી છે.

પ્રાપ્ત જાણકારી અનુસાર, આ પૌરાણિક ફિલ્મને અલૌકિક દેસાઈ ડાઈરેકટ કરવાના હતા અને કરીનાએ આ રોલ માટે ૮-૧૦ મહિના સુધી ટ્રેનિંગ પણ કરવાની હતી. કરીના માટે આ તેની અત્યાર સુધીની સૌથી મોટી ફિલ્મ હોતી. જો કે, જયારે એવી વાત સામે આવી કે કરીનાએ મસમોટી રકમ માંગી છે તો સોશિયલ મીડિયા પર લોકો તેની ટીકા કરતા હતા. જો કે તાપસી પન્નુ અને પ્રિયામણિ જેવી અનેક અભિનેત્રીઓ કરીનાના સમર્થનમાં આગળ આવી હતી.

વર્ક ફ્રંટની વાત કરીએ તો, કરીના કપૂર હવે આમિર ખાન સાથે ફિલ્મ લાલ સિંહ ચઢ્ઢામાં જોવા મળશે. આ ફિલ્મ ટોપ હેંકસની સુપરહિટ ફિલ્મ ફોરેસ્ટ ગમ્પનું હિન્દી અડેપ્ટેશન છે. આ સિવાય કરીનાએ તાજેતરમા જ હંસલ મહેતા અને એકતા કપૂર સાથે પોતાની અપકમિંગ ફિલ્મની જાહેરાત કરી છે.