કિયારા અડવાણીની ફિલ્મ 'ઈંદુ કી જવાની'નું પહેલું ગીત 'હસીના પાગલ દિવાની' થયું રિલીઝ

મુંબઈ: અભિનેત્રી કિયારા અડવાણીની ફિલ્મ 'ઈંદુ કી જવાની' નું પહેલું ગીત 'હસીના પાગલ દીવાની' બુધવારે રિલીઝ થયું હતું. 'હસીના પાગલ દીવાની' ગીત 1998 માં રિલીઝ થયેલ લોકપ્રિય ગીત 'સાવન મેં લગ ગઈ આગ' નું રીબૂટ છે. આ ગીતને તેનો અવાજ મીકા સિંહે આપ્યો છે. આ ગીતમાં એક નવું અને મનોરંજક ટ્વિસ્ટ ઉમેરવામાં આવ્યું છે. 'હસીના પાગલ દીવાની'માં કિયારા અડવાણીની શૈલી જોવા જેવી છે. ફિલ્મ 'ઇન્દુ કી જવાની' માં કિયારા અડવાણીની વિરુદ્ધ આદિત્ય સીલ મુખ્ય ભૂમિકામાં જોવા મળશે. આ ગીતમાં કિયા અને આદિત્યની કેમિસ્ટ્રી જોવા મળી છે. ગીતમાં કિયારા અડવાણી બ્લુ કલરનો લહેંગા પહેરેલી જોવા મળી રહી છે. 'ઈન્દુ કી જવાની' ફિલ્મનું નિર્દેશન બંગાળી લેખક-ફિલ્મ નિર્માતા અબીર સેનગુપ્તાએ કર્યું છે. ફિલ્મ અને વેપાર વિશ્લેષક તરણ આદર્શે ટ્વિટર પર આ ગીતની લિંક શેર કરી અને લખ્યું - 'ઈન્દુ કી જવાની' ફિલ્મનું પહેલું ગીત 'હસીના પાગલ દીવાની' શરૂ થઈ છે. અબીર સેનગુપ્તા દિગ્દર્શિત આ ફિલ્મમાં કિયારા અડવાણી અને આદિત્ય સીલ છે.