Gujarati News

અમદાવાદઃ ટ્રેડીંગ ઈન એક્સપોર્ટ ઇન્સેન્ટીવ ડ્યૂટી ક્રેડીટ સ્ક્રિપ્ટનું કામકાજ કરતી ટ્રાઈડેન્ટ ઈન્ડિયા લિમિટેડ કંપનીના ખાતામાંથી હેકરે રૂ.94 લાખની રકમ ટ્રાન્સફર કરી ઓનલાઈન ઠગાઈ આચરી છે. કંપનીના એમડીએ કોરોના મહામહારીમાં બેંકમાં જઇ શકાય તેમ ન હોઈ નેટ બેંકિંગ સુવિધાકંપનીના નૂતન નાગરિક સહકારી બેંકના એકાઉન્ટમાં કરાવી ને ઠગાઈનો ભોગ કંપની બની હતી. આરોપીઓએ ટ્રાઈડેન્ટ ઈન્ડીયા કંપનીના રજીસ્ટર્ડ મોબાઈલ નંબરનું નવું સીમકાર્ડ લઈ, કાર્ડ સ્વાઈપ કરી કંપનીના નેટ બેંકિંગ પાસવર્ડ, યુઝર નેમ મેળવી રૂ.94 લાખ અન્ય બેંક એકાઉન્ટમાં ટ્રાન્સફર કર્યા હતા.

ટ્રાઈડેન્ટ ઈન્ડીયા કંપનીના HR મેનેજર વિવેક દિનેશ પટેલે સાયબર સેલમાં ફરિયાદ નોંધાવી છે. પોલીસ ફરિયાદમાં જણાવ્યા મુજબ. તેઓની કંપનીના ડાયરેકટર અમિષા ભાવિન મહેતા હાલ મુંબઈ ખાતે રહે છે. કંપનીના એમડી જતીન પારેખ છે. કંપનીનું એકાઉન્ટ નૂતન નાગરિક બેંક (લો ગાર્ડન બ્રાન્ચમાં છે. કંપનીના બેંક એકાઉન્ટ સાથે રજીસ્ટર મોબાઈલ નંબર આપેલો છે જેમાં બેંક ટ્રાન્ઝેક્શન OTP આવે છે.

બેંક એકાઉન્ટની શરૂઆતમાં નેટ બેંકિંગની સુવિધા ન હતી. જોકે કોવિડમાં બેંકએ જઈ શકાય તેમ ન હોઈ કંપનીના એમડી જતીન પારેખે રૂબરૂ બેંકમાં જઇ નેટ બેંકિંગની સુવિધા કરાવી હતી.

ગત તા.26-12-2020ના રોજ જે મોબાઈલ નંબર બેંક એકાઉન્ટ સાથે રજીસ્ટર હતો. તેના સીમ રિપ્લેસનો મેસેજ વોડાફોન તરફથી આવતા ટ્રાઈડેન્ટ ઈન્ડીયા કંપનીના કર્મચારીએ વોડાફોનના અધિકારીને તેઓએ સીમ રિપ્લેસની કોઈ અરજી ન આપ્યાનું જણાવ્યું હતું. આથી વોડાફોનની વર્ચ્યુલ મેનેજર પ્રિયંકાએ તે મોબાઈલ નંબર ટેમ્પરરી સસ્પેન્ડ કરી બીજું નવું સીમકાર્ડ આપ્યું હતું. આ કાર્ડ ચાલુ ટ્રાઈડેન્ટ ઈન્ડીયા કંપનીની ભાવિકા અગ્રવાલે વોડફોનમાં મેઈલ કર્યા હતા. જોકે કાર્ડ ચાલુ ન થતા મોબાઈલ નંબર બંધ રહ્યો હતો.

ગત તા 26-28 ડિસેમ્બર દરમિયાન મોબાઈલ નંબર એક્ટિવ થયો ન હતો. કંપનીના સિનિયર એકાઉન્ટ રવિએ કંપનીના બેંક એકાઉન્ટ ચેક કરતા ઓનલાઇન રૂપિયા 94 લાખ કંપનીના ખાતામાંથી જુદી જુદી બેંકોના બેંક એકાઉન્ટમાં જમા થયેલા હતા. જે બેંક એકાઉન્ટ ધારકો સાથે કંપનીને કોઈ લેવડદેવડ કે વેપાર નથી.

આમ કોઈ અજાણી વ્યક્તિએ ટ્રાઈડેન્ટ ઈન્ડીયા કંપનીના મેઈલ આઇડીમાં અનઅધિકૃત રીતે પ્રવેશ કરી, કંપનીના બેંક એકાઉન્ટ સાથે રજીસ્ટર મોબાઈલ નંબર નું સીમ રિપ્લેસ કરવાની ખોટી માહિતી વોડાફોન કંપનીમાં આપી, નવું સીમકાર્ડ લઈ સ્વાઈપ કર્યું અને કંપનીનો નેટ બેંકિંગ પાસવર્ડ અને યુઝર આઈડી નેમ મેળવી કંપની સાથે રૂ.94 લાખની ઠગાઈ આચરી હતી.