Gujarati News

Gujarati News

News of Monday, 1st March 2021

'બાપ'ને છોડીને 'આપ'માં થોડું જવાય ? પરેશ ધાનાણી

ગુજરાત બે ધરી પર જોડાયેલું રાજ્ય : ગાંધી અને સરદારની ધરી : સત્તાના ધ્રુવીકરણ માટે ચૂંટણી ટાણે દર વખતે સત્તાધારી પક્ષ દ્વારા છળકપટના પ્રયાસો : વિધાનસભા વિરોધ પક્ષના નેતાના ભાજપ સરકાર ઉપર પ્રહારો

રાજકોટ તા. ૧ : કોંગ્રેસના ધુરંધર અગ્રણી અને વિધાનસભા વિરોધ પક્ષના નેતા પરેશભાઈ ધાનાણી કોંગ્રેસ છોડીને આમ આદમી પાર્ટી માં જોડાઈ રહ્યાંના મેસેજે ભારે ચર્ચા જગાવી છે ત્યારે આ અંગે પરેશભાઇ ધાનાણીએ 'અકિલા'ને જણાવ્યું હતું કે, 'બાપ'ને છોડીને 'આપ'માં થોડું જવાય ?

પરેશભાઇ ધાનાણીએ વધુમાં જણાવ્યું કે ચૂંટણી ટાણે સતાધારી પક્ષ દ્વારા મતોના ધ્રુવીકરણ માટે જુદા જુદા છળકપટ કરવામાં આવે છે. ૨૦૦૭માં એમ.જે.પી. લાવ્યા હતા, ૨૦૧૨માં જી.પી.પી. લાવ્યા હતા અને ૨૦૧૭માં આંદોલન થયા હતા. સતાધારી પક્ષ દ્વારા ભોળા મતદારોને લાગણીમાં લાવીને છળકપટ કરવામાં આવે છે.

ગુજરાત બે ધરી ઉપર જોડાયેલું રાજય છે એક ગાંધી અને બીજા સરદારની ધરી. આવનારા દિવસોમાં લોકો સાચા વિકલ્પ ને પસંદ કરશે અને છળકપટ કરનારાને તેનું સ્થાન બતાવી દેશે. તેમ અંતમાં પરેશભાઇ ધાનાણીએ 'અકિલા'ને જણાવ્યું હતું.

(11:39 am IST)
  • રેલ્વે મુસાફરોને વધુ એક સુવિધા મળશેઃ દેશની ૫૦ જેટલી ટ્રેનમાં wi-fi સિસ્ટમ્સ ઉપલબ્ધ કરાશે : રાજધાની, શતાબ્દી, દુરંતોમાં ટૂંક સમયમાં ટ્રેનોમાં wi-fi સુવિધા મળશેઃ પ્રથમ તબકકા માટે ૨૭ કરોડનું બજેટ ફાળવાયું access_time 4:27 pm IST

  • રીવરફ્રન્ટ ઉપર વધુ એક મહિલાએ આત્મહત્યાનો પ્રયાસ કર્યો :અમદાવાદના રાયપુર વિસ્તારમાં રહેતી એકે મહિલાએ સાબરમતી રીવરફ્રન્ટ પર કુદીને આત્મહત્યાનો -યાસ કર્યો હતો. અમદાવાદ રિવરફ્રન્ટ પર પુલથી મહિલા જેવી જ નદીમાં કુદી ફાયરબ્રિગેડની સ્પીડ બોટ તુરંત ઘટનાસ્થળે પહોચી ગઇ હતી અને મહિલાનો જીવ બચાવ્યો હતો. મહિલાને તે બાદ રીવરફ્રન્ટ પોલીસ સ્ટેશને લઇ જવામાં આવી હતી. પોલીસ હવે મહિલાના આત્મહત્યાના કારણની તપાસ કરશે અને તે બાદ વધુ કાર્યવાહી હાથ ધરશે. access_time 4:27 pm IST

  • છેલ્લા ર૪ કલાકમાં ૧પપ૧૦ કેસઃ ૧૦૬ના મોતઃ દેશમાં કુલ કેસ ૧,૧૦,૯૬,૭૩૧ થયા નવી દિલ્‍હી : છેલ્લા ર૪ કલાકમાં ૧પપ૧૦ નવા કેસ સામે આવ્‍યા છે. આ દરમિયાન ૧૦૬ લોકોના મોત થયા છે. દેશમાં કુલ કેસની સંખ્‍યા વધીને ૧,૧૦,૯૬,૭૩૧ થઇ છે. કુલ મૃત્‍યુઆંક ૧,પ૭,૧પ૭ થયો છે. હાલ એકટીવ કેસ ૧,૬૮,૬ર૭ છે. અત્‍યાર સુધીમાં ૧,૪૩,૦૧,ર૬૬ લોકોનું રસીકરણ થયું છે. access_time 12:00 am IST