Gujarati News

ગાંધીનગર તા.01 : સાયલન્ટ કિલર ગણાતા હાઈ કોલેસ્ટ્રોલને લઈ હાલનાં સમયમાં લોકો ખૂબ દરકાર રહેતા હોય છે. જેને કારણે તેમને ભવિષ્યમાં  પીડાનો સામનો કરવો પડતો હોય છે. હાઈ કોલેસ્ટ્રોલને ખાસ કરીને ખતરનાક એટલા માટે ગણવામાં આવે છે. કારણ કે તેના શરીરમાં કોઈ લક્ષણો દેખાતા નથી.

કોલેસ્ટ્રોલ એ લોહીમાં હાજર એક પ્રકારનું મીણ છે. તે બે પ્રકારના હોય છે સારું કોલેસ્ટ્રોલ અને ખરાબ કોલેસ્ટ્રોલ, ગુડ કોલેસ્ટ્રોલ એટલે હાઈ ડેન્સિટી લિપોપ્રોટીન (HDL) અને લો ડેન્સિટી લિપોપ્રોટીન એટલે ખરાબ કોલેસ્ટ્રોલ (LDL). શરીરમાં LDL કોલેસ્ટ્રોલ શરીર માટે ખતરનાક છે. તેના વધવાથી શરીરમાં ઘણી સમસ્યાઓ થવા લાગે છે.

શરીરમાં કોલેસ્ટ્રોલનું ઊંચું પ્રમાણ તમારી રક્તવાહિનીઓમાં ચરબી જમા થવાનું કારણ બની શકે છે, જેમ જેમ આ ચરબી વધે છે તેમ તમારી ધમનીઓમાંથી લોહીનો પ્રવાહ મુશ્કેલ બને છે. કેટલીકવાર જ્યારે આ ચરબી તૂટી જાય છે, ત્યારે તે લોહીમાં ગંઠાઇ જાય છે, જે હાર્ટ એટેક અને સ્ટ્રોકનું જોખમ વધારે છે. નિષ્ણાતોનું માનવું છે કે, શરીરમાં કોલેસ્ટ્રોલના ઊંચા સ્તરના કોઈ સંકેતો નથી, પરંતુ તમારા શરીરમાં કેટલીક એવી સંવેદનાઓ હોઈ શકે છે જે શરીરમાં વધી રહેલા કોલેસ્ટ્રોલને શોધી શકે છે.

ઉલ્લેખનીય છે કે, આપણે શરીરમાં કોલેસ્ટ્રોલનું સંતુલિત સ્તર જાળવીએ, કારણ કે આનાથી ધમનીઓમાં ચરબીનો સંચય થઈ શકે છે, જે હાથ અને પગમાં લોહીનો પ્રવાહ ઘટાડે છે. આ સ્થિતિને પેરિફેરલ આર્ટરી ડિસીઝ (PAD) કહેવાય છે. જેનાથી તમારા હાથ-પગમાં ભારે દુખાવો થઈ શકે છે. જો તમને કોઈ પણ કામ કરતી વખતે તમારા હાથ અને પગમાં દુખાવો થાય છે, તો તે તમારા શરીરમાં કોલેસ્ટ્રોલનું પ્રમાણ વધારે હોવાનો સંકેત છે. જો તેનો સમયસર ઈલાજ ન કરવામાં આવે તો કોઈ પણ કામ કરતી વખતે તમારે પીડાની સાથે સાથે ખેંચાણની સમસ્યાનો સામનો કરવો પડી શકે છે. હાથ અને પગમાં આ ખેંચાણ ત્યારે આવે છે જ્યારે તમારું શરીર આરામની સ્થિતિમાં હોય અને તમે તરત જ કોઈપણ કામ કરવાનું શરૂ કરી દો. યુકે નેશનલ હેલ્થ સર્વિસ મુજબ, હાથપગમાં આ ખેંચાણ ક્યારેક હળવા હોય છે. પરંતુ ક્યારેક તે ખૂબ પીડાદાયક હોઈ શકે છે.

પેરિફેરલ આર્ટરી ડિસીઝ એ એક રોગ છે જેમાં તમારા માથા, અંગો અને પગમાં લોહી વહન કરતી ધમનીઓમાં કોલેસ્ટ્રોલ જમા થાય છે. આ એક સામાન્ય રુધિરાભિસરણ સમસ્યા છે, જેમાં ધમનીઓ ખૂબ જ વિસ્તરી જાય છે, જેના કારણે લોહીની યોગ્ય માત્રા પગ અને હાથ સુધી પહોંચી શકતી નથી.

હાઈ કોલેસ્ટ્રોલ સિવાય હાથમાં દુખાવો અન્ય કારણોસર પણ થઈ શકે છે. હાથ અને ખભામાં દુખાવો એ હાર્ટ એટેક અને એન્જેનાની નિશાની છે, જે શરીરમાં કોલેસ્ટ્રોલનું પ્રમાણ વધવાને કારણે થાય છે. આ ઉપરાંત, હાથમાં દુખાવો થવાના કારણો તાણ, ઈજા હોઈ શકે છે.