Gujarati News

અમદાવાદ, તા.૧ : શહેરના ઈસનપુર વિસ્તારમાં રહેતી વૃદ્ધા સાથે ૮.૮૫ લાખની ઠગાઈની ઘટના સામે આવી છે.

આ મામલે સાયબર ક્રાઈમ પોલીસે મૂળ મધ્યપ્રદેશના અને બે વર્ષથી અમદાવાદમાં રહેતા ૩૦ વર્ષીય તેજસ કોષ્ટિ નામના આરોપીની ધરપકડ કરીને કાયદેસરની કાર્યવાહી હાથ ધરી છે.

સાયબર ક્રાઇમ પોલીસે કહ્યું કે, વરિષ્ઠ નાગરિકો સામે છેતરપિંડીના કેસો વધી રહ્યા છે. તાજેતરમાં, ઈસનપુરની એક મહિલા વરિષ્ઠ નાગરિકે ફરિયાદમાં જણાવ્યું હતું કે, કોષ્ટિએ તેમની સાથે છેતરપિંડી કરી હતી. આરોપીએ તેમના ખાતામાંથી રૂ. ૮.૮૫ લાખ ઉપાડી લીધા હતા. વૃદ્ધાએ સાયબર ક્રાઈમમાં ફરિયાદ કરી હતી કે, તેમના એકાઉન્ટમાંથી ૮.૮૫ લાખ રૂપિયા તેના જ ઘરઘાટીના મિત્ર તુષાર કોષ્ટિએ વિશ્વાસમાં લઈને ટ્રાન્સફર કરાવી લઈ છેતરપિંડી કરી છે.

વૃદ્ધ મહિલાની ફરિયાદના આધારે ટેકનિકલ સર્વેલન્સ ટીમે તપાસ શરૂ કરી હતી. આ દરમિયાન તેમને જાણવા મળ્યું કે, જે એકાઉન્ટમાં પૈસા ટ્રાન્સફર કરવામાં આવ્યા હતા તે તેજલ કોષ્ટિનું છે. પોલીસે જણાવ્યું કે, તુષાર કોષ્ટિએ તરકટ રચીને વૃદ્ધાના ઘરઘાટી સાથે મિત્રતા કેળવીને તેમને વિશ્વાસમાં લઈને ઠગાઈ કરી હતી.

પોલીસે વધુમાં જણાવ્યું કે, આરોપી તેજસ કોષ્ટિએ આઈટીઆઈમાં ઓટો-મોબાઈલનો કોર્સ કર્યો છે અને છેલ્લા બે વર્ષથી શહેરના મણિનગર, ઈસનપુર અને વટવા જેવા વિસ્તારમાં રહેતો હતો. આરોપીએ અન્ય વરિષ્ઠ નાગરિકો સાથે છેતરપિંડી કરી છે કેમ? તે દિશામાં તપાસ કરવામાં આવી રહી છે.