Gujarati News

Gujarati News

News of Friday, 2nd October 2020

પાટણની ધારપુર સિવિલ હોસ્પિટલમાંથી કોરોના પોઝિટિવ આરોપી મધરાત્રે ફરાર

બેદરકારી દાખવનારા 3 ગાર્ડને તાત્કાલિક સસ્પેન્ડ કરાયા : આરોપીને ઝડપી પાડવા પાંચ અલગ અલગ ટીમો બનાવાઈ

પાટણઃ ધારપુર સિવિલ હોસ્પિટલમાંથી કોરોના પોઝિટિવ આરોપી મધ્યરાત્રીએ ફરાર થઈ ગયો હતો, જેથી જિલ્લા પોલીસ વડાએ ફરજમાં બેદરકારી દાખવનારા 3 ગાર્ડને તાત્કાલિક સસ્પેન્ડ કર્યા છે. તેમજ આરોપીને ઝડપી પાડવા પાંચ અલગ અલગ ટીમો બનાવી છે.

સમી પોલીસે ગત તારીખ 24/ 8ના રોજ પ્રોહિબિશનના ગુનામાં રાજસ્થાનના દયારામ બીસનોઈની ધરપકડ કરી હતી, જે બાદ તેને કોર્ટમાં રજૂ કરી જેલ કસ્ટડીમાં મોકલવામાં આવ્યો હતો. જ્યાં તેનો કોરોના રિપોર્ટ પોઝિટિવ આવતા ગત તારીખ 24/ 9ના રોજ તેને ધારપુર સિવિલ હોસ્પિટલમાં દાખલ કરવામાં આવ્યો હતો.જ્યા હોસ્પિટલમાં સારવાર દરમિયાન  મઘ્યરાત્રિએ કોરોના ગ્રસ્ત આરોપી શૌચાલયની લોખંડની ગ્રીલ અને કાચ તોડી ફરાર થઈ ગયો હતો. પોલીસને આરોપી ફરાર થયાની જાણ થતાં પોલીસ બેડામાં દોડધામ મચી હતી.

જિલ્લા પોલીસ અધિક્ષક અક્ષય રાજ મકવાણાએ પત્રકાર પરિષદ યોજી જણાવ્યું હતું કે, આરોપી ફરાર થવાની ઘટનામાં ફરજ પર બેદરકારી દાખવનારા વોર્ડમાં ફરજ પરના ત્રણ ગાર્ડને તાત્કાલિક સસ્પેન્ડ કરવામાં આવ્યા છે. જ્યારે આરોપીને ઝડપી પાડવા પોલિસની પાંચ અલગ અલગ ટીમો બનાવી રાજસ્થાન, બનાસકાંઠા, ગાંધીનગર, મહેસાણા અને અમદાવાદ તરફ રવાના કરવામાં આવી છે.

(10:02 am IST)
  • દેશમાં કોરોનાનો કહેર યથાવત :મૃત્યુઆંક 1 લાખને પાર પહોંચ્યો : રાત્રે 12 વાગ્યા સુધીમાં નવા 79,705 કેસ નોંધાયા :કુલ કેસની સંખ્યા 64,71,665 થઇ :હાલમાં 9,44,967 એક્ટિવ કેસ :વધુ 78,248 દર્દીઓ સ્વસ્થ થતા કુલ 54,24,901 રિકવર થયા :વધુ 1069 દર્દીઓના મોત સાથે મૃત્યુઆંક 1,00,873 થયો access_time 12:42 am IST

  • જમ્મુ કાશ્મીર સરહદે શહીદ થયેલા પંજાબી સૈનિક હવિલદર કુલદીપ સિંઘના પરિવારને 50 લાખ રૂપિયાનું વળતર અપાશે : પરિવારના એક સભ્યને સરકારી નોકરી અપાશે : પંજાબના મુખ્યમંત્રી કેપટન અમરિન્દર સિંઘની ઘોષણાં access_time 1:31 pm IST

  • રાપર હત્યાકાંડ : કચ્છના રાપર વકીલ હત્યાકાંડ : સીટમાં વધુ બે અધિકારી પશ્ચિમ કચ્છનાં એસપી સૌરભસિંઘ અને મુન્દ્રા મરીન પીઆઇ ગિરિશ વાણિયાની વરણી આરોપીઓના નાર્કો ટેસ્ટ કરવાની દિશામાં ચક્રો ગતિમાન, હત્યાના ચોક્કસ કારણો જાણવા સીટ દ્વારા તપાસનો ધમધમાટ access_time 10:47 pm IST