Gujarati News

Gujarati News

News of Friday, 2nd October 2020

ભાજપના પૂર્વ ધારાસભ્ય કાંતિલાલ અમૃતિયા અને તેમના પત્ની-પુત્ર કોરોનાથી સંક્રમિતઃ ગાંધીનગર સ્થિત નિવાસસ્થાને ક્વોરન્ટાઇન થયા

અમદાવાદઃ રાજ્યમાં કોરોનાના કેસોની દૈનિસ સંખ્યાની સરેરાશ વધીને હવે 1,400 થઈ ગઈ છે ત્યારે અગ્રણી પક્ષ ભાજપ અને કોંગ્રેસના દિગ્ગજ નેતાઓ પણ કોરોનાની ઝપટમાં આવવા માંડયા છે.
ભાજપના પ્રદેશ પ્રમુખ સી.આર. પાટિલ અને ભાજપના પ્રવક્તા ભરત પંડ્યા તાજેતરમાં કોરોનાગ્રસ્ત થયા હતા તો હવે મોરબીના ભૂતપૂર્વ ધારાસભ્ય કાંતિલાલ અમૃતિયા અને તેમનો પરિવાર પણ કોરોનાગ્રસ્ત થયો છે.
ભૂતપૂર્વ વિધાનસભ્ય કાંતિભાઈ અને તેમની પત્ની જ્યોત્સનાબેન અને તેમના પુત્ર પ્રથમને કોરોના થયો છે.
કાંતિભાઈ અમૃતિયાએ સોશિયલ મીડિયા પર આ અંગે માહિતી આપી હતી. તેમણે જણાવ્યું હતું કે હું, મારા પત્ની જ્યોત્સના અને મારો પુત્ર પ્રથમ કોરોના પોઝિટિવ આવ્યા છીએ. તેથી ગાંધીનગર સ્થિત નિવાસ્થાને કવોરેન્ટાઇન થયા છીએ.
તેની સાથે તેમણે ઉમેર્યુ હતું કે છેલ્લા કેટલાક દિવસોમાં મારા સંપર્કમાં જે પણ મિત્રો આવ્યા હોય તેમણે કોરોના ટેસ્ટ કરાવી લેવા અથવા થોડો સમય આઇસોલેશનમાં રહેવુ. સી.આર. પાટિલે એક પછી એક બેઠકો અને સભાઓ કરવા લાગતા ભાજપમાં તેઓ કોરોનાના સુપર સ્પ્રેડર બનીને ઉભર્યા હતા. ભાજપના રાજ્યના દિગ્ગજ નેતાઓ કોરોના પોઝિટિવ આવ્યા તેનું કારણ સી.આર. પાટિલ માનવામાં આવે છે. જો તેમણે સભાઓ યોજી ન હોત તો ભાજપની અંદર કોરોનાનો આટલો ફેલાવો થયો ન હોત.
ભાજપના પ્રાદેશિક નેતાઓ અને રાષ્ટ્રીય નેતાઓ એક પછી એક કોરોનાની ઝપટમાં આવી રહ્યા છે. આવી જ પરિસ્થિતિ કોંગ્રેસના નેતાઓની પણ છે. કોંગ્રેસના પણ ઘણા નેતાઓ કોરોનાની ઝપટમાં આવી ચૂક્યા છે. પણ કોંગ્રેસે કોરોના કાળમાં જનસંપર્ક કરવાનું ટાળતા તેના ઘણા નેતાઓ હજી બચેલા છે.

(5:40 pm IST)
  • જમ્મુ કાશ્મીર સરહદે શહીદ થયેલા પંજાબી સૈનિક હવિલદર કુલદીપ સિંઘના પરિવારને 50 લાખ રૂપિયાનું વળતર અપાશે : પરિવારના એક સભ્યને સરકારી નોકરી અપાશે : પંજાબના મુખ્યમંત્રી કેપટન અમરિન્દર સિંઘની ઘોષણાં access_time 1:31 pm IST

  • પંજાબમાં રાત્રી કર્ફ્યુ તથા રવિવાર માટે લોકડાઉનમાંથી મુક્તિ : અનલોક 5 અંતર્ગત ચીફ મિનિસ્ટર કેપટન અમરિન્દર સિંઘની ઘોષણાં : માસ્ક પહેરવા સહીત અન્ય સુરક્ષા નિયમોનું ચોક્કસપણે પાલન થાય તે જોવા ડીજીપી ને સૂચના આપી access_time 8:00 pm IST

  • ૩૧ ઓકટોબર સુધીમાં જ ફી ભરનારા વાલીઓને ફીમાં ૨૫ ટકાની રાહત મળશેઃ૩૧ ઓકટોબર સુધીમાં જ ફી ભરનારા કે ગત વર્ષે ફી નહિ ભરી હોય તેવા વાલીઓને ફીમાં ૨૫ ટકાની રાહત નહિ આપવાનો રાજય સરકાર દ્વારા નિર્ણય કર્યો હોવાનું જાણવા મળે છેઃ આવો નિર્ણય જાહેર કરતા ઓલ ગુજરાત વાલી મંડળ દ્વારા સ્કુલ સંચાલકોના નિર્ણયનો વિરોધ કરી સરકારમાં ફરીથી રજુઆત કરવાની ચીમકી આપી હોવાનું જાણવા મળે છે access_time 11:25 am IST