Gujarati News

Gujarati News

News of Friday, 2nd October 2020

ખેડા તાલુકાના ચિત્રાસર ગામે લોભામણી સ્કીમની લાલચ આપી 35 મહિલાઓ સાથે છેતરપિંડી આચરનાર ઠગ મહિલા વિરુદ્ધ ગુનો દાખલ

ખેડા: તાલુકાના ચિત્રાસર ગામની એક મહિલાએ લોભામણી સ્કીમની લાલચ આપી ગામની ૩૫ મહિલાઓનો વિશ્વાસ કેળવ્યો હતો. ત્યારબાદ દર મહિને થોડા-થોડા કરી કુલ રૂ.૧.૯૦ લાખ જેટલી રકમ સ્કીમમાં ભરાવ્યાં બાદ કંપની બંધ કરી દીધી હતી. મહિલાઓએ પોતે ભરેલા રૂપિયા પરત મેળવવા માટે અનેકોવાર આજીજી કરી છતાં આ ઠગ મહિલાએ આજદિન સુધી રૂપિયા પરત ના આપતાં આખરે મહિલાઓએ ઠગ મહિલા વિરૂધ્ધ પોલીસમાં ફરીયાદ આપી છે. જેના આધારે પોલીસે ઠગ મહિલા સામે ગુનો નોંધી કાયદેસરની કાર્યવાહી હાથ ધરી છે.

આ અંગે મળતી માહિતી મુજબ ખેડા તાલુકાના ચિત્રાસર ગામમાં રહેતાં સુલોચનાબેન અનિલભાઈ રાઠોડે આજથી સાત વર્ષ અગાઉ એટલે કે સન ૨૦૧૩ની સાલમાં ગામમાં જ રહેતી ૩૫ જેટલી મહિલાઓને ચક્ર વિઝન મ્યુચ્યલ બેનીફીટ ઈન્ડિયા લીમીટેડ નામની કંપનીમાં જુદી-જુદી સ્કીમ આવી હોવાની લોભામણી લાલચ આપી તેમાં સભ્ય બનવા માટે ઓફર કરી હતી. દર મહિને રૂ.૧૦૦, રૂ.૨૦૦, રૂ.૫૦૦ લેખે પાંચ વર્ષ સુધી રૂપિયા ભરવાથી રૂ.૧૦૦ વાળી સ્કીમના રૂ.૧૦,૦૦૦, રૂ.૨૦૦ વાળી સ્કીમના રૂ.૨૦,૦૦૦ તેમજ રૂ.૫૦૦ વાળી સ્કીમના રૂ.૫૮,૦૦૦ પરત મળતાં હોઈ તમામ મહિલાઓ આ સ્કીમમાં જોડાયાં હતાં.

(5:49 pm IST)
  • રોહીત-પોલાર્ડ હિટ, મુંબઇ સુપરહિટ : ૪૮ રનથી ચેમ્પીયન ટીમ શાનદાર જીત સાથે પોઇન્ટ-ટેબલમાં ટોપ પરઃ મુંબઇએ છેલ્લી પાંચ ઓવરમાં બનાવેલા ૮૯ રન પંજાબને ભારે પડયાઃ ટુર્નામેન્ટમાં ૫૦૦૦ રન પૂરા કરનાર ત્રીજો ખેલાડી બન્યો રોહીત શર્મા access_time 3:48 pm IST

  • ડોનાલ્ડ ટ્રમ્પ તથા મેલાનિયા ટ્રમ્પ જલ્દી સાજા થઇ જાય તેવી શુભેચ્છા : કોવિદ -19 સંક્રમિત ટ્રમ્પ દંપત્તિને તેમના પ્રતિસ્પર્ધી ડેમોક્રેટ ઉમેદવાર જો બિડન તથા પત્ની જિલ એ શુભેચ્છા પાઠવી : તમારી તંદુરસ્તી માટે અમે પ્રાર્થના ચાલુ રાખશું access_time 7:15 pm IST

  • જમ્મુ કાશ્મીર સરહદે શહીદ થયેલા પંજાબી સૈનિક હવિલદર કુલદીપ સિંઘના પરિવારને 50 લાખ રૂપિયાનું વળતર અપાશે : પરિવારના એક સભ્યને સરકારી નોકરી અપાશે : પંજાબના મુખ્યમંત્રી કેપટન અમરિન્દર સિંઘની ઘોષણાં access_time 1:31 pm IST