Gujarati News

રાજકોટ, તા. ૩ :  ગુજરાતની રાજધાની કહેવાતુ અને અન્ય શહેરોમાં સૌથી શાંત જગ્યા હોઈ તેવા ગાંધીનગર શહેરમાં હવે એક અનોખું રેલ્વેસ્ટેશન બનવા જઈ રહ્યું છે.જેમાં ૩૦૦ જેટલા રૂમનું આલીશાન ફાઈવ સ્ટાર હોટેલ હશે.જેની નીચે ટ્રેનો દોડશે.જો કે અત્યારે તો આ રેલ્વેસ્ટેશનનું કામ ૯૪ ટકાથી વધુ કામ પૂરું થઇ ચુકયું છે.આ રેલ્વેસ્ટેશન ડિસેમ્બર સુધી પૂરે પૂરું નિર્માણ થઇ જશે તેની પૂરી સંભાવના છે.

આ રેલ્વેસ્ટેશનને એટલે મહત્વ આપવામાં આવે છે કે આ સ્ટેશન મહાત્મા મંદિર અને હેલીપેડ પ્રદર્શન સેન્ટરની નજીક છે.જયાં મહાત્મા મંદિરમાં હર બીજા વર્ષે ગુજરાત વાઈબ્રેન્ટ સમ્મેલનનું આયોજન કરવામાં આવે છે.આની સિવાય તેમાં અનેક રાષ્ટ્રીય તેમજ આંતરરરાષ્ટ્રીય સ્તરના પ્રોગ્રામોનું આયોજન કરવામાં આવી રહ્યું છે.ત્યારે આ સંમેલન માત્ર દેશ નહિ દુનિયાભરના લોકો ભાગ લેતા હોઈ છે. જો કી આ મોટા આયોજનને લઈને વિદેશથી આવવા વાળા પ્રવાસીઓને અમદાવાદની ફાઈવસ્ટાર હોટેલમાં રોકવામાં આવે છે. જો કી  હવે ગાંધીનગરમાં આ રેલ્વેસ્ટેશનની સાથે ફાઈવસ્ટાર હોટેલ બનશે જેથી હવે પ્રવાસીઓ માટે ત્યાં જ રહેવા માટેનું આયોજન કરવામાં આવશે જેથી કાર્યક્રમના સ્થળ સુધી આવવા-જવામાં લોકોને કોઈ મુશ્કેલીનો સામનો કરવો નહિ પડે અને આસાનીથી અવર-જવર કરી શકશે.ગાંધીનગરમાં રેલ્વેસ્ટેશન પર ફાઈવસ્ટાર હોટેલ બનાવવાનું કામ વર્ષ ૨૦૧૭માં શરુ થયું હતું.જો કે અત્યાર તો ૯૪ ટકા કામ પૂર્ણ થઇ ગયું છે.હોટેલ અને તેની આજુબાજુનું સિવિલનું કામ મોટાભાગે પૂર્ણ થઇ ચુકયું છે.આ રેલ્વેસ્ટેશન ઇન્ડિયન રેલ્વે સ્ટેશન ડેવલપમેન્ટ કોર્પોરેશન (IRSDC) અને રાજય સરકારના સહયોગથી બનાવવામાં આવી રહ્યું છે. છે, જે ભૂતથી ૨૩ મીટર ઉંચાઈ પર બનાવવામાં આવી રહી છે. હોટલ બિલ્ડિંગની ઉચાઇ લગભગ ૭૭ મીટર છે. પ્રોજેકટમાં હોટલની સાથે રેલ્વે સ્ટેશનનો પણ પુનર્વિકાસ કરવામાં આવી રહ્યો છે, આ સંકુલમાં શોપિંગ મોલ અને રેસ્ટોરાં સહિતની અનેક સુવિધાઓ વિકસિત કરવામાં આવી રહી છે. તે જ સમયે સોલર પેનલ્સ સ્થાપિત કરવામાં આવી રહ્યા છે, જયાં મોટાભાગનો વીજ પુરવઠો સૌર ઉર્જાથી મળશે.

ટનલ બનાવવામાં આવી રહી છે

હાલમાં આ રેલ્વે સ્ટેશન પર ત્રણ પ્લેટફોર્મ છે. મુસાફરોએ એક પ્લેટફોર્મ પરથી બીજા પ્લેટફોર્મ સુધી જવા માટે ઙ્ગએક ટનલ બનાવવામાં આવી છે. પ્લેટફોર્મ નંબર એકથી આવતા મુસાફરો ટનલ દ્વારા બીજા પ્લેટફોર્મ પર જઈ શકશે. ટનલનું કામ પૂર્ણ થઈ ગયું છે. રેલ્વે સ્ટેશનને આકર્ષક લુક આપવામાં આવ્યો છે. ફાઇવ સ્ટાર હોટેલ્સમાં આવતા મુસાફરો માટે એક અલગ રસ્તો બનાવવામાં આવ્યો છે. મુસાફરો અંડરબ્રિજ દ્વારા સીધા હોટલ પર પહોંચી શકશે. અંડરબ્રિજ મહાત્મા ગાંધીના જીવનચરિત્રને દર્શાવે છે, જયાં મહાત્મા ગાંધીના બાળપણથી સ્વાતંત્ર્ય ચળવળની દરેક યાદગાર ક્ષણ જોવા મળશે.

ડિસેમ્બર સુધીમાં પૂરૃં થઇ જશે કામઃ એરપોર્ટની તર્જ પર વિકસિત કરેલ છે

આ રેલ્વે સ્ટેશન એરપોર્ટની તર્જ પર વિકસિત કરવામાં આવી રહ્યું છે. કોઈ પણ રીતે ટિકિટ વિના એરપોર્ટ પર પ્રવેશ કરી શકશે નહીં, તે જ રીતે કોઈ પણ આ ટિકિટ વિના પ્રવેશ કરી રવાના થઈ શકશે નહીં. આ સ્ટેશનની ઉચાઈ જ નહીં પણ લાંબી દિવાલ પણ હશે. સ્ટેશનની બહાર, પાટાની બંને બાજુએ એક ઉચી દિવાલ બનાવવામાં આવશે, જેથી અન્ય રસ્તાઓ પ્લેટફોર્મ પર કોઈ પ્રવેશ કરી શકયું નહીં. એરપોર્ટ સુરક્ષા પર સેન્ટ્રલ ઓદ્યોગિક સુરક્ષા દળ (સીઆરપીએફ) ની જેમ તૈનાત રેલ્વે પ્રોટેકશન ફોર્સ (આરપીએફ) રેલ્વે સ્ટેશનની સુરક્ષામાં તૈનાત છે.રેલ્વેના સુરક્ષા દળોને કમાન્ડોની જેમ ટ્રેનીગ દેવામાં આવી રહી છે.