Gujarati News

Gujarati News

News of Tuesday, 4th May 2021

અમદાવાદમા દારૂના નશામાં શંકાશીલ પતિએ પત્નીને તેના પિયરમાં જઈ ઢોરમાર મારતા પોલીસ ફરિયાદ દાખલ

અમદાવાદ: અંગે પ્રાપ્ત માહિતી અનુસાર ભાનુમતીબહેન ખટીકે બે વર્ષ અગાઉ દીપક ખટીક સાથે બે વર્ષ અગાઉ પ્રેમલગ્ન કર્યા હતા. લગ્નના મહિના બાદ બંને વચ્ચે ટકરાવ શરૃ થઇ ગયા હતા અને ભાનુમતી બહેન ગોમતીપુર ખાતે તેમના માતા-પિતાના ઘરે રહેવા માટે આવી ગયા હતા. બંનેને લગ્ન જીવનમાંથી દોઢ વર્ષનો પુત્ર છે.

દરમિયાન દીપક ખટીક દારૃ પીને રવિવારે રાત્રે પત્નીના પિયરે પહોંચી ગયો હતો. જ્યાં તેણે ખોટા શક બદલ પત્ની સાથે બોલાચાલી શરૃ કરી હતી. પછી અપશબ્દો બોલવા લાગ્યો હતો. અપશબ્દો નહીં બોલવા માટે ભાનુમતીબહેન તથા તેમના માતા-પિતાએ સમજાવ્યા તો તે વધુ ઉશ્કેરાયા હતા. તેમણે પછી પત્નીના પિયરના ઘરમાં લોખંડના સળિયાથી તોડફોડ કરી એલઇડી ટીવી, તીજોરીનો કાચ તોડી નાખ્યો હતો. રોકવાની કોશિષ કરી રહેલી પત્નીને પણ માર માર્યો હતો. આજુબાજુના લોકો એકત્ર થઇ જતાં તેણે જતી વખતે એવી ધમકી આપી કે, 'તું વખતે બચી ગઇ છો હવે તને જાનથી મારી નાખીશ.' મામલે દીપક ખટીક સામે વધુ ગુનો નોંધી ગોમતીપુર પોલીસે વધુ તપાસ હાથ ધરી છે.

(5:24 pm IST)
  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST

  • આઈપીએલના બાકીના મેચો મુંબઈમાં જ રમાશે? : સપ્તાહના અંતિમ આઈપીએલના બાકી રહી ગયેલા મેચો હવે મુંબઈ ખાતે જ રમાડવામાં આવે તેવી શકયતા કોરોનાની મહામારીના પગલે આ નિર્ણય લેવાય તેવી વિચારણા ચાલી રહી હોવાનું જાણવા મળે છે. access_time 10:39 am IST

  • રાજકોટમાં પવનનો જોર વચ્ચે ગરમીમાં આંશિક ઘટાડો : રાજકોટ શહેરમાં ૩૯.૪ ડીગ્રી, ૧૬ કિ.મી.ની ઝડપે ગરમ પવન ફૂંકાઈ રહ્યા છેઃ હવામાન ખાતાના સૂત્રોએ જણાવ્યું છે કે હજુ એકાદ બે દિવસ મહતમ તાપમાન ૪૦-૪૨ ડિગ્રીની રેન્જમાં રહેશેઃ ત્યારબાદ બે ડીગ્રીનો વધારો જોવા મળશે access_time 4:07 pm IST