Gujarati News

Gujarati News

News of Tuesday, 4th May 2021

ધૈર્યરાજસિંહને મળશે નવજીવન:અમેરિકાથી 16 કરોડનું ઈન્જેક્શન આવી ગયું : મુંબઈ હોસ્પિટલમાં સારવાર શરૂ

ધૈર્યરાજ સિંહને સ્પાઈનલ મસ્ક્યૂલર એટ્રોફી (SMA) નામની એક દુર્લભ બીમારી

અમદાવાદ : રાજ્યના મહીસાગર જિલ્લાના કાનેસર ગામના માસૂમ બાળક ધૈર્યરાજ સિંહની દુર્લભ બીમારીથી પીડાઈ રહ્યો છે, ત્યારે હવે તેને નવજીવન મળવા જઈ રહ્યું છે. હકીકતમાં ધેર્યરાજનો જીવ બચાવવા માટે જરૂરી એવું 16 કરોડ રૂપિયાનું ઈન્જેક્શન અમેરિકાથી આવી ગયું છે. જે બાદ આજે ધૈર્યરાજ સિંહની મુંબઈ સ્થિત હોસ્પિટલમાં સારવાર ચાલી રહી છે. જ્યાં આવતીકાલે ધૈર્યરાજને આ મોંઘુ ઈન્જેક્શન આપવામાં આવશે.

રાજદીપ સિંહ રાઠોડના પુત્ર ધૈર્યરાજની ઉંમર માત્ર 3 મહિનાની છે. પ્રથમ દ્રષ્ટિએ જોઈએ તો બાળક તંદુરસ્ત છે, પરંતુ જન્મના દોઢ મહિનામાં શારીરિક પરિવર્તન જોતા દુર્લભ બીમારીના લક્ષણો જાણવા મળ્યા. ધૈર્યરાજ સિંહને સ્પાઈનલ મસ્ક્યૂલર એટ્રોફી (SMA) નામની એક દુર્લભ બીમારી છે

સ્પાઈનલ મસ્ક્યૂલર એટ્રોફી એટલે કે એસએમએની ભારતમાં સારવાર શક્ય નથી અને તેની સારવાર માટે જરૂરી ઈન્જેક્શન વિદેશથી મંગાવવું પડે છે. જેની કિંમત 16 કરોડ રૂપિયાં છે. આટલું જ નહીં, તેના પર લગભગ 6 કરોડ રૂપિયાનો ટેક્સ પણ લાગે છે. આમ તેની કિંમત 22 કરોડ રૂપિયા થઈ જાય છે. જો કે મધ્યમવર્ગીય પરિવારના આ બાળક માટે ગુજરાત સહિત દેશ-વિદેશમાંથી મદદના હાથ ઉઠવા લાગ્યાં હતા.

પોતાના પુત્રને બચાવવા માટે રાજદીપ સિંહ રાઠોડે ધૈર્યરાજના નામે ‘ઈમ્પેક્ટ ગુરુ’ નામની એનજીઓમાં ખાતું ખોલાવીને દાન માટે અપીલ કરી હતી. જે બાદ ગુજરાત સહિત દેશ-વિદેશમાંથી ધૈર્યરાજ માટે દાનની સરવાણી વહી હતી. આખરે રાજદીપ સિંહની મહેનત રંગ લાવી અને ધૈર્યરાજની સારવાર માટે જરૂરી એવું કિંમતી ઈન્જેક્શન અમેરિકાથી ભારત આવી ગયું છે. હવે આવતી કાલે આ ઈન્જેક્શન ધૈર્યરાજને આપવામાં આવશે

(8:04 pm IST)
  • આંધ્રપ્રદેશ સરકારે જાહેર કર્યું છે કે રાજ્યમાં કોરોના સંક્રમણ વધતા, રાજ્યમાં 5 મેં થી 14 દિવસ માટે આંશિક કર્ફ્યુ લાગુ કરવામાં આવશે : બધી દુકાનો સવારે 6 થી બપોરે 12 વાગ્યા સુધી જ ખુલી શકશે અને ફક્ત આવશ્યક સેવાઓને જ મંજૂરી આપવામાં આવશે access_time 8:38 pm IST

  • ચુંટણીઓ પુરી થતાં જ પેટ્રોલ-ડીઝલના ભાવમાં ૨૦ થી ૨૫ પૈસાનો વધારો ઝીંકાયો : દેશના પાંચ રાજયોમાં ચુંટણી પુરી થતાંવેંત જ આજે પેટ્રોલ-ડીઝલના ભાવમાં ફરી એકવાર વધારો ઝીંકાયો છે. પેટ્રોલમાં ૨૦ પૈસા અને ડીઝલનાં ભાવમાં પ્રતિ લિટરે ૨૫ પૈસાનો વધારો થયો છે. access_time 10:38 am IST

  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST