Gujarati News

Gujarati News

News of Sunday, 4th December 2022

સોમવારે ભૂપેન્‍દ્રભાઇ પટેલ, શંકર ચૌધરી, કિર્તીસિંહ વાઘેલા, અલ્‍પેશ ઠાકરો, હાર્દિક પટેલ,જીજ્ઞેશ મેવાણી, કીરીટ પટેલ સહિતના મહારાથીઓના ભાવિના ફેંસલા માટે મતદાન

- ભાજપ-કોંગ્રેસે સહિત જુદા –જુદા રાજકીય પક્ષોના દિગ્‍ગજોના મત ઇવીએમમાં કેદ થશે

રાજકોટ, તા. ૩, સોમવારે ગુજરાત વિધાનસભાની બીજા તબક્કાની ચૂંટણી યોજાશે. જેમાં ભૂપેન્‍દ્રભાઇ પટેલ, શંકર ચૌધરી, હાર્દિક પટેલ, જીજ્ઞેશ મેવાણી, સહિતનાના ભાવીનો ફેંસલો થશે.

: ગુજરાત વિધાનસભા ચૂંટણીના બીજા તબક્કાના મતદાનને હવે માત્ર 1 દિવસ બાકી રહ્યો. 5 ડિસેમ્બરના રોજ બીજા તબક્કાની 93 બેઠકો માટે થશે મતદાન. 5 ડિસેમ્બરે ઉત્તર ગુજરાત અને મધ્ય ગુજરાતની 93 બેઠકો પર મતદારો મતાધિકારનો ઉપયોગ કરશે. બનાસકાંઠા જિલ્લાની 9 બેઠકો, પાટણ જિલ્લાની 4 બેઠકો, મહેસાણા જિલ્લાની 7 બેઠકો, સાબરકાંઠા જિલ્લાની 4 બેઠકો, અરવલ્લી જિલ્લાની 3 બેઠકો, ગાંધીનગરની 5 બેઠકો, અમદાવાદની 21 બેઠકો, આણંદની 7 બેઠક, ખેડાની 6 બેઠકો, મહીસાગરની 3 બેઠકો, અરવલ્લીની 3 બેઠકો, પંચમહાલ જિલ્લાની 5 બેઠકો, દાહોદ જિલ્લાની 6 બેઠકો, વડોદરા જિલ્લાની 10 બેઠકો, છોટાઉદેપુર જિલ્લાની 3 બેઠકો પર મતદાન થશે. ત્યારે ગુજરાત વિધાનસભાની બીજા તબક્કાની ચૂંટણીમાં ઉત્તર અને મધ્ય ગુજરાતની 93 બેઠકોનો સમાવેશ થાય છે. જેમાં મુખ્યમંત્રી ભૂપેન્દ્ર પટેલ સહિતના મહારથીઓ મેદાને છે. 

મહારથીઓની વાત કરીએ તો બીજા તબક્કામાં ભાજપના 20 નેતા એવા છે, જેમના પર જીતનો આધાર છે. તો કોંગ્રેસના 12 દિગ્ગજ નેતાઓ મેદાનમાં છે. તો એનસીપીની વાત કરીએ તો દિગ્ગજ નેતા જયંત બોસ્કી ઉમરેઠથી ભાજપને હંફાવી શકે છે. 

ઉત્તર અને મધ્ય ગુજરાતના ભાજપ કોંગ્રેસના ઘણા દિગ્ગજો ચૂંટણી લડી રહ્યા છે. ખુદ મુખ્યમંત્રી ભૂપેન્દ્ર પટેલ ઘાટલોડિયા બેઠક પરથી ભાજપના ઉમેદવાર તરીકે મેદાને છે. આ સિવાય ભાજપના અન્ય મહારથીઓની વાત કરીએ તો શંકર ચૌધરી થરાદથી, કિર્તીસિંહ વાઘેલા કાંકરેજથી, દિલીપ ઠાકોર ચાણસ્માથી, બળવંતસિંહ રાજપૂત સિદ્ધપુરથી, રમણલાલ વોરા ઇડરથી પોતાનું ભાવિ અજમાવી રહ્યા છે. તો અશ્વિન કોટવાલ ખેડબ્રહ્માથી, અલ્પેશ ઠાકોર ગાંધીનગર દક્ષિણથી, હાર્દિક પટેલ વીરમગામથી, જગદીશ વિશ્વકર્મા નિકોલથી, ભૂષણ ભટ્ટ જમાલપુર-ખાડિયાથી ચૂંટણીના જંગમાં છે. બાબુ જમના પટેલ દસ્ક્રોઇથી, પંકજ દેસાઇ નડિયાદથી, અર્જુનસિંહ ચૌહાણ મહેમદાવાદથી, જેઠા ભરવાડ શહેરાથી, નિમિષા સુથાર મોરવાહડફથી, કેતન ઇનામદાર સાવલીથી, મનીષા વકીલ વડોદરા શહેરથી, યોગેશ પટેલ માંજલપુરથી, અક્ષય પટેલ કરજણથી ભાજપના ઉમેદવાર છે. 

કોંગ્રેસમાંથી જિજ્ઞેશ મેવાણી વડગામથી, કિરીટ પટેલ પાટણથી, સી.જે.ચાવડા વીજાપુરથી, તુષાર ચૌધરી ખેડબ્રહ્માથી, મહેન્દ્રસિંહ વાઘેલા બાયડથી, અમી યાજ્ઞિક ઘાટલોડિયાથી, હિંમતસિંહ પટેલ બાપુનગરથી ચૂંટણી લડી રહ્યા છે. તો ગ્યાસુદ્દીન શેખ દરિયાપુરથી, ઇમરાન ખેડાવાલા જમાલપુર-ખાડિયાથી, શૈલેષ પરમાર દાણીલીમડાથી, અમિત ચાવડા આંકલાવથી, પ્રભાતસિંહ ચૌહાણ કાલોલથી ચૂંટણીના મેદાને ઉતર્યા છે. NCPના પ્રદેશ અધ્યક્ષ જયંત બોસ્કી પણ ઉમરેઠ બેઠક પરથી પોતાનું ભાવિ અજમાવી રહ્યા છે. 

ભાજપના 20 દિગ્ગજ ઉમેદવારો મેદાનમાં 

ભૂપેન્દ્ર પટેલ  ઘાટલોડિયા ભાજપ

શંકર ચૌધરી થરાદ ભાજપ

કિર્તીસિંહ વાઘેલા કાંકરેજ ભાજપ

દિલીપ ઠાકોર ચાણસ્મા ભાજપ

બળવંતસિંહ રાજપૂત સિદ્ધપુર ભાજપ

રમણલાલ વોરા ઇડર ભાજપ

અશ્વિન કોટવાલ ખેડબ્રહ્મા ભાજપ

અલ્પેશ ઠાકોર ગાંધીનગર દક્ષિણ ભાજપ

હાર્દિક પટેલ વીરમગામ ભાજપ

જગદીશ વિશ્વકર્મા નિકોલ ભાજપ

ભૂષણ ભટ્ટ જમાલપુર-ખાડિયા ભાજપ

બાબુ જમના પટેલ દસક્રોઇ ભાજપ

પંકજ દેસાઇ નડિયાદ ભાજપ

અર્જુનસિંહ ચૌહાણ મહેમદાવાદ ભાજપ

જેઠા ભરવાડ શહેરા ભાજપ

નિમીષા સુથાર મારવાહડફ ભાજપ

કેતન ઇનામદાર સાવલી ભાજપ

મનિષા વકીલ વડોદરા શહેર ભાજપ

યોગેશ પટેલ માંજલપુર ભાજપ

અક્ષય પટેલ કરજણ ભાજપ

(10:40 am IST)