Gujarati News

અમદાવાદ, તા.૫: ગુજરાત હાઈકોર્ટ સમક્ષ 'અજબ પ્રેમ કી ગજબ કહાની' જેવો કિસ્સો સામે આવ્યો છે, જેમાં એક હિન્દુ યુવકે HIV પોઝિટિવ મુસ્લિમ યુવતીને સ્વીકારવા અને તેની સાથે લગ્ન કરવાની તૈયારી બતાવી છે. નવગુજરાત સમયના અહેવાલ મુજબ આ કેસમાં હાઈકોર્ટના જસ્ટિસ સોનિયા ગોકાણી અને જસ્ટીસ સંગીતા વિષેનની ખંડપીઠે યુગના લગ્નની નોંધણી કરી તેનું સર્ટિફિકેટ પાલનપુર જિલ્લા કોર્ટ સમક્ષ રજૂ કરવાનો આદેશ કર્યો છે. એટલું જ નહીં, હાઈકોર્ટે જો યુગલને પ્રોટેકશનની જરૂર હોય તો સુપરિટેન્ડેન્ટ ઓફ પોલીસને આઠ સપ્તાહ સુધી તેમને પોલીસ પ્રોટેકશન પણ આવવા માટે જણાવ્યું છે.

આ મામલે યુવતીને પિતાએ હાઈકોર્ટ સમક્ષ હેબિયસ કોર્પસની અરજી કરીને પુત્રીને હાજર કરવાની માંગ કરી હતી. પિતાની રજૂઆત હતી કે, તેમની પુત્રી સગીરવયની છે અને એક વિધર્મી યુવક તેને ભગાડી ગયો છે. અરજીની લંબાણપૂર્વકની સુનાવણી સામે આવેલા તથ્યો અને યુવક-યુવતીને કેફિયત બાદ હાઈકોર્ટની ખંડપીઠે આદેશમાં નોંધ્યું કે, યુવતીના પિતા દ્વારા જન્મની તારીખ માટે જે સર્ટિફિકેટ રજૂ કર્યું છે, એ બનાવટી હોવાથી તેમની વિરુદ્ઘ તપાસ કરીને કાયદેસરની કાર્યવાહી કરવામાં આવે.

યુવતીને કોર્ટ સમક્ષ હાજર કરતા પહેલા મેડિકલ તપાસ કરવામાં આવી હતી, જેમાં તે ણ્ત્સ્ પોઝિટિવ હોવાનું સામે આવ્યું હતું. જયારે લાપતા યુવકને શોધીને ટેસ્ટ કરવામાં આવ્યો ત્યારે, તેનો HIV રિપોર્ટ નેગેટિવ આવ્યો હતો. ડોકટરોનો અભિપ્રાય છે કે, અનેક કેસોમાં ૩-૬ મહિના બાદ પણ વ્યકિત પોઝિટિવ આવતો હોય છે. યુવતીએ તેના માતા-પિતાના દ્યરે જવાનો ઈનકાર કરી યુવક સાથે જવાનો દ્રઢ નિર્ધાન રજૂ કર્યો છે. હાઈકોર્ટની ખંડપીઠે આદેશમાં નોંધ્યું કે, યુવક અને યુવતી જુદાજુદા ધર્મના છે, એટલું જ નહીં, યુવતી HIV પોઝિટિવ છે, તેમ છતાંય કોર્ટ સમક્ષ જણાવ્યું કે, તે યુવતી સાથેના સંબંધો આગળ વધારવા માંગે છે અને બે-ત્રણ દિવસમાં લગ્ન પણ કરશે.

તેથી તેમના લગ્નની નોંધણી કરવામાં આવે અને મેરેજ સર્ટિફિકેટ ડિસ્ટ્રિકટ કોર્ટ પાલનપુર સમક્ષ રજૂ કરવામાં આવે. હાઈકોર્ટમાં પણ આ સર્ટિફિકેટ રેકોર્ડ પર લેવામાં આવે. લિંગ સર્વિલ ઓથોરિટી ART સેન્ટર ખાતે યુવતીની સારવાર કરવામાં આવે. ૬ મહિના દરમિયાન જયારે આ યુગલ હોસ્પિટલ જાય ત્યારે પાલનપુર કોર્ટની મુલાકાત લે, જેથી તેમને કોઈ મુશ્કેલી હોય અને યુવતીના સ્વાસ્થ્ય સંબંધી કોઈ મુદ્દો હોય તો તેનું નિરાકરણ લાવી શકાય.