Gujarati News

Gujarati News

News of Tuesday, 4th May 2021

કપૂર પોટલી-કપૂર અગરબત્તીનું વેંચાણ વધ્યું

કોરોનાકાળમાં કપૂરની માંગ વધીઃ કિલોનો ભાવ રૂ.૧,૨૦૦ થયો

લોકડાઉનને લીધે મહારાષ્ટ્ર-ચેન્નઇથી આવતો રો-મટિરિયલ્સ અટકયું : કપુરની દસ ગણી માંગ

અમદાવાદ,તા.૪: ગુજરાતમાં  કોરોનાના કેસો વધી રહ્યાં છે. કોરોનાના સંક્રમણથી બચવા લોકો આર્યુવેદ સહિત ઘરગથ્થુ ઉપાયનો સહારો લઇ રહ્યાં છે. હાલ લવિંગ,અજમા અને કપૂરની પોટલીનો વધુ વપરાશ થઇ રહ્યો છે.કપૂરની માંગમાં એટલો વધારો થયો છેકે, કપૂરનો કિલોનો ભાવ રૂ.૧૨૦૦ સુધી પહોંચ્યો છે. કોરોના કાળમાં કપુરનો એટલા પ્રમાણમાં ઉપયોગ વધી રહ્યો છે ત્યારે કપૂર ના ઉત્પાદન માટે ફેકટરીમાં કામદારોને ડબલ શિફ્ટમાં કામ કરવુ પડે છે.હાલમાં કપુર પોટલી જ નહીં, કપુર અગરબત્ત્।ી પણ ધૂમ વેચાઇ રહી છે જેના કારણે કપૂરની માંગમાં દસ ગણો વધારો થયો છે.  એક સમયે કપૂરનો કિલોનો ભાવ રૂ.૫૦૦-૫૫૦ હતો જે અત્યારે વધીને છેક રૂ.૧૨૦૦ સુધી પહોંચ્યો છે. કપુરની ટિકડી બનાવવા માટે મહારાષ્ટ્રથી રો મટિરિયલ્સ આવે છે. પણ કોરોનાના કારણે મહારાષ્ટ્રમાં લોકડાઉન હોવાથી રો-મટિરિયલ્સ પણ પુરતા પ્રમાણમાં મળતુ નથી જેના કારણે કપૂરના ઉત્પાદન ઘટયુ છે. કપૂરની માંગ સામે ઉત્પાદન ઓછુ થઇ રહ્યુ છે. ચેન્નાઇ પણ પણ કપૂરનો રો-મટિરિયલ્સ પુરતા જથ્થામાં આવતું નથી.

આમ, કોરોના કાળમાં કપૂરની ડિમાન્ડ વધી છે જેના કારણે ભાવ પણ વધ્યાં છે.

(10:52 am IST)
  • અભિનેતા અરવિંદ ત્રિવેદી વિશે ભારે અફવા ચાલી સુપ્રસિદ્ધ અદાકાર અને રાવણ તરીકે જગપ્રસિદ્ધ અભિનેતા અરવિંદ ત્રિવેદીના નિધન થયાની ભારે અફવા સોશિયલ મીડિયા ઉપર ચાલી રહી છે. ઈ-સાઇબરપ્લાનેટ ડોટ કોમ વેબસાઈટના જણાવ્યા પ્રમાણે અરવિંદભાઈ બિલકુલ સહી સલામત છે. access_time 9:59 am IST

  • અત્યારે સવારે ૧૦ વાગે શક્તિકાન્ત દાસ શું જાહેરાત કરશે ? સહુની નજર રિઝર્વ બેન્કના ગવર્નર શક્તિકાન્ત દાસ અત્યારે સવારે ૧૦ વાગે દેશ સમક્ષ કોઈ મહત્વની વાત કરશે તેમ ન્યુ ફર્સ્ટનો અહેવાલ જણાવે છે. access_time 9:21 am IST

  • કોરોનાના વધતા કેસને લઇને કેન્દ્રીય ચૂંટણીપંચનો નિર્ણય : 3 લોકસભા અને 8 વિધાનસભાની બેઠકો પર થનારી પેટાચૂંટણી મોકૂફ access_time 11:27 pm IST