Gujarati News

Gujarati News

News of Wednesday, 5th May 2021

ગરુડેશ્વરના મોટીરાવલ પાસે અજાણ્યા મોટરસાયકલ ચાલકે રાહદારીઓને ટક્કર મારતા દંપતી તથા બાળકીને ઇજા


(ભરત શાહ દ્વારા) રાજપીપળા : ગરુડેશ્વરના મોટીરાવલ ગામે અજાણ્યા મોટરસાયકલ ચાલકે બાઇક અથડાતા પતિ પત્ની તથા નાની બાળકી ને ઇજાઓ થઈ છે.
પ્રાપ્ત માહિતી મુજબ નગીનભાઈ ગોપાલભાઈ તડવી(રહે મોટી રાવલ)ની ફરિયાદ મુજબ તે તેમની પત્ની અનિતા બેન તથા તેમની દોઢ વર્ષની દીકરી પ્રીતિકા મોટી રાવલ ગામે ચાલતા ઢાળ ચઢી હાઈવે રોડ ઉપર આવતા હતા ત્યારે અજાણ્યા મોટર સાયકલ ચાલક મોટરસાયકલ નંબર જીજે.૦૬. એફઆર.૯૦૫૧ ના ચાલકે પોતાના કબજાની મોટરસાયકલ પૂરઝડપે અને ગફલત ભરી રીતે હંકારી ફરિયાદી નગીનભાઈ તડવી ને જમણા પગે અથાડી ફંગોળી દઈ ફેક્ચર કરી તેમના પત્ની અનિતાબેન તથા દીકરી પ્રીતિકાનેે ઇજાઓ પહોંચાડી અજાણ્યો મોટર સાયકલ ચાલક પોતાની મોટરસાઈકલ મૂકી નાસી જઇ ગુનો કરતા કેવડીયા ટ્રાફિક પોલીસે આ બાબતે અજાણ્યા મોટરસાયકલ ચાલક વિરુદ્ધ ગુનો નોંધી તપાસ હાથ ધરી છે.

(12:27 pm IST)
  • બંગાળના CM બન્યા બાદ તરત મમતા બેનર્જીની કોરોના પર મોટી બેઠક : લાગુ પાડ્યાં નવા પ્રતિબંધો : આવતીકાલથી લોકલ ટ્રેન બંધ રાખવાનો નિર્ણય : શોપિંગ કોમ્પલેક્સ, જિમ, સિનેમા હોલ, બ્યુર પાર્લર, પૂલ બંધ access_time 11:53 pm IST

  • મહેસાણા શહેરની જાહેર જનતાને જણાવવાનુ કે, કોરોના વાયરસના વધતા સંક્રમણને અટકાવવા માટે ગૃહ વિભાગ, ગાંધીનગર (ગુજરાત સરકાર) ના જાહેરનામા ક્રમાંક વિ-૧૧૦૨૦૨૦ ૪૮૨-૭ તા.૪૨૦૨૧ મુજબ તા.૧૨,૦૫/૨૦૧ સુધી ફકત મેડીકલ સ્ટોર, દુધ કેન્દ્ર, કરીયાણાની દુકાની, અનાજ દળવાની ઘંટી તથા જાહેરનામા માં પરવાનગી આખ્યા મુજબના એકમો જ ખુલ્લા રાખી શકાશે. આ સિવાયના તમામ એકમો બંધ રાખવાના રહેશે અને જો જાહેરનામા માં મંજુરી આપ્યા સિવાયના એકમો ખુલ્લા જણાશે તો જાહેરનામા નાં ભંગ બદલની કાર્યવાહી ક૨વામાં આવશે તથા સેવા એકમો સીલ ક૨વામાં આવશે. જેની તમામ વેપારી એકમોએ નોંધ લેવી. access_time 8:58 pm IST

  • સારા સમાચાર : ઝાયડસ કેડિલા, ભારતની બીજી સંપૂર્ણ ઈન્ડિજિનસ કોવિડ વેક્સીન સાથે તૈયાર : વચગાળાની અસરકારકતા ડેટાના પ્રથમ સેટને પ્રાપ્ત કર્યા પછી, ઝાયડસ કેડિલા આ મહિનામાં તેની કોવીડ -19 રસીના ઇમરજન્સી યુઝ માટે અરજી કરશે : અત્યારે 1 કરોડ ડોઝ પ્રતિ મહિના સુધી રસીનું પ્રોડક્શન કરી શકશે, જેને પછીથી બે કરોડ ડોઝ પ્રતિ મહિના સુધી લઈ જવાશે access_time 11:47 pm IST