Gujarati News

રાજકોટ,તા.૬: કોરોના મહામારીમાં પોલીસ તંત્ર સાથે ગુજરાતના વિવિધ જેલો અને તેમની કાળજી લેતી જેલ સુપ્રિથી માંડી જેલ સિપાઇ સુધીની ટીમ પર્ પણ કોરોના ખતરો ઝળુંબી રહ્યો છે તે બાબત ધ્યાને લઈ શનિ રવિ ગુજરાતભરના જેલ સ્ટાફ અને તેના પરિવાર માટે મેડિકલ કેમ્પનું આયોજન રાજકોટ સહિત સમગ્ર રાજયમાં કરવામાં આવ્યું છે.            

જેલ કેદીઓ અને જેલ સ્ટાફને બચાવવા માટે પ્રથમ લહેરથી જ જાગૃતતા રાજયના જેલ વડા ડો. કે.એલ.એન.રાવ દ્વારા ફટાફટ પગલા લેવાયા હતા.આને કારણે દેશભરની જેલો કરતા ગુજરાત જેલમાં ઓછામાં ઓછી અસર થયેલ જેની નોધ ડીજીપી અને ગૃહ મંત્રાલય સાથે  રાષ્ટ્રિય લેવલે લેવામાં આવી હતી.    

 આગમચેતી માટે અનેક આચાર સંહિતાનો ચુસ્તપણે અમલ કરવા સાથે જેલ કેદીઓ અસર થયેલ. સ્વાભાવિક રીતે આવા કેદીઓની કાળજી લેવા જતા જેલારો,જેલ સિપાહી, અને અમદાવાદ સાબરમતી જેલના સુપ્રિ.રોહન આનંદને અસર થયેલ,એ બધી બાબતો ધ્યાને લય પોતાના સ્ટાફ તથા તેમના પરિવરજનોને કોઈ રોગની અસર હોય તો અત્યારથી જ સારવાર કરી શકાય તે માટે આ પ્રકારનો નિર્ણય થયાનું ગુજરાતના જેલ વડા ડો. કે.એલ.એન.રાવ દ્વારા 'અકિલા' સાથેની વાતચીતમાં જણાવ્યું છે.