ઓલપાડના પરિયા ગામ નજીક સાયણ ઓલપાડ રોડ પર ઉભેલી ટ્રકની પાછળ બાઈક અથડાતા બે સગાભાઈના મોત

News of Monday, 6th December 2021

ઓલપાડના પરિયા ગામ નજીક સાયણ ઓલપાડ રોડ પર ઉભેલી ટ્રકની પાછળ બાઈક અથડાતા બે સગાભાઈના મોત

લગ્નમાંથી પરત સાંધીયેર ફરતી વખતે સાયણ ઓલપાડ રોડ પર પરિયા ગામની સીમમાં રોડ પર ઉભેલી ટ્રક અંધારામાં દેખાઈ નહીં શકતા કાબૂ ગુમાવી દીધો

ઓલપાડ તાલુકાના પરિયા ગામ નજીક સાયણ ઓલપાડ રોડ પર ઉભેલી ટ્રકની પાછળ મોટરસાયકલ ભટકાતા મોટર સાયકલ સવાર બે સગાભાઈના મોત થયા હતા. આ અંગે મળતી માહિતી અનુસાર સુરત જિલ્લાના ઓલપાડ તાલુકાના સાંધીયેર ગામે કુમકુમ બંગલોઝમાં રહેતા અને મૂળ ભાવનગર જિલ્લાના જેસર તાલુકાના કોટામુઈ ગામના વતની વિનુભાઈ જશમતભાઈ કુંભાણી (ઉ.વર્ષ 57) શનિવારે રાત્રે અમદાવાદથી આવેલા તેમના મોટા ભાઈ બાબુભાઇ જશમતભાઈ કુંભાણી (ઉ.વર્ષ 59) સાથે સુરત લગ્ન પ્રસંગમાં હાજરી આપવા માટે ગયા હતા. લગ્નમાંથી પરત સાંધીયેર ફરતી વખતે સાયણ ઓલપાડ રોડ પર પરિયા ગામની સીમમાં રોડ પર ઉભેલી ટ્રક અંધારામાં દેખાઈ નહીં શકતા ચાલક વિનુભાઈએ સ્ટિયરિંગ પરનો કાબૂ ગુમાવી દીધો હતો અને તેમની મોટરસાયકલ ટ્રકની પાછળ અથડાઈ હતી. અકસ્માતમાં વિનુભાઈ અને બાબુભાઈને ગંભીર ઇજા થતા બંનેના સ્થળ પર જ મોત થયા હતા. એક સાથે બે સગાભાઈઓના મોત થતા પરિવાર પર આભ તૂટી પડ્યું હતું. પોલીસે ગુનો નોંધી આગળની તપાસ હાથ ધરી છે.

(12:22 am IST)