Gujarati News

પંજાબના રહેવાસી ટ્રક ડ્રાઇવર સુખદિપસિંગ શીખએ ફરિયાદ અનુસાર, તેઓગઈકાલે ફોરવહીલર ગાડીના સ્પેરપાર્ટ હાલોલ એમ.જી મોટર ખાતે ડિલિવરી કરી પરત વલસાડ જઈ રહ્યા હતા. દરમિયાન વાઘોડિયા બ્રિજ નજીક એક સ્વીફ્ટ કારચાલક કાર ટ્રકની આગળ લાવી વારંવાર બ્રેક મારી ઓવરટેક કરવા ન દઈ કારચાલક સહિત અન્ય શખ્સોએ અપશબ્દો બોલી ટ્રક ડ્રાયવરને ગડદાપાટુનો માર માર્યો હતો. ટ્રક ડ્રાઈવરે આ અંગે પોલીસને જાણ કરતા પોલીસ સ્થળ પર દોડી ગઇ હતી. પોલીસની પ્રાથમિક પૂછતાછમાં કારચાલક અરુણ જયેશભાઈ માછી ( રહે - ઝંડા ચોક , કિશનવાડી) તથા કારમાં સવાર પાર્થ ઉર્ફે સોનુ રાજુભાઈ બ્રહ્મભટ્ટ ( રહે - રતિલાલ પાર્ક, વાઘોડિયા રોડ ) અને તિલકરાજ સંજયભાઈ રાવ ( રહે - તુલસીભાઈની ચાલી ,સલાટવાડા), રૂમેશ પ્રવીણભાઈ રાવલ ( રહે - કુંભારવાડા, સલાટવાડા) હોવાનું બહાર આવ્યું હતું. આ દરમ્યાન માર્ગ ઉપર ટ્રાફિક જામના દ્રશ્યો પણ સર્જાયા હતા.