Gujarati News

વડોદરા શહેરના સનફાર્મા રોડ ઉપર રહેતા 68 વર્ષીય વૃધ્ધા ઔક્ષણીબેન દત્તાત્રય ગઇકાલે વહેલી સવારે ભાયલી કેનાલ રોડ ઉપર વોકિંગ માટે નીકળ્યા હતા. સવારના સાત વાગ્યાના સુમારે પાછળથી ઘસી આવેલા એક શખ્સ ધક્કો મારી વૃદ્ધાને પછાડયા હતા. અને તેમના ગળામાંથી સોનાની ચેન આંચકી અન્ય બાઇક સવાર શખ્સ સાથે ફરાર થઈ ગયો હતો. જેમાં ઔક્ષણીબેનને કપાળના ભાગે ઇજાઓ પહોંચી હતી. ફરિયાદના આધારે જે.પી.રોડ પોલીસે બે અજાણ્યા શખ્સો વિરુદ્ધ ગુનો નોંધી સીસીટીવી ફૂટેજ ચકાસણી સહિતની કાયદેસરની કાર્યવાહી હાથ ધરી હતી.