Gujarati News

તાપી: મારી આસપાસ અનેક અજીબોગરીબ ઘટનાઓ બનતી રહે છે. પરંતુ આ તમામ ઘટનાઓને નાની કહી શકાય તેવો કિસ્સો ગુજરાતના તાપી જિલ્લામા બન્યો છે. સોનગઢ તાલુકાના તાપી નદી કિનારે આવેલ સેલટીપાડા ગામે એક બકરીની ડિલીવરીએ કુતુહલ સર્જયું છે. બકરીએ વૃદ્ધ જેવા દેખાતા બચ્ચાને જન્મ આપ્યો છે. જેને જોવા માટે હાલ લોકોની પડાપડી થઈ રહી છે. બકરીના બચ્ચાને જોઈને તમે પણ આશ્ચર્ય પામીને કહેશો કે, બકરીએ કોઈ વૃદ્ધને જન્મ આપ્યો છે.

તાપીના સેલટીપાડા ગામના ખેડૂત અજિતભાઈ વસાવાના ઘરે વિચિત્ર આકાર ધરાવતા બચ્ચાંને એત બકરીએ જન્મ આપ્યો છે. બકરીના બચ્ચાના કપાળ, આંખ,મોઢું, અને દાઢી જેવા ભાગો મનુષ્ય જેવું જ હોવાનું જોવા મળ્યું છે. એટલુ જ નહિ, જન્મેલા બચ્ચાની પૂંછડી પણ ન હતી.  

જોકે, વિધીની વક્રતા એવી હતી કે, આ બચ્ચુ માત્ર 10 મિનીટ જ જીવિત રહ્યું હતું. તેમજ આ બકરીનું બચ્ચુ નાનુ બાળક રડે તેમ રડ્યુ પણ હતું. બકરીના માલિક અજીતભાઈ વસાવાએ કહ્યું કે, બચ્ચાના ચાર પગ અને કાન જ બકરી જેવા હતા, બાકીનં આખુ શરીર માનવ શરીર જેવું હતું. જે જોઈને અમે પણ ચોંકી ગયા હતા.

જોકે, સ્થાનિક લોકોએ ઘરમાં કોઈ પૂર્વજ જન્મ્યા હશે એવી માનતા સાથે બકરીના બચ્ચાની પૂજા વિધિ કરી હતી. તેના બાદ તેને દફન કર્યું હતું.