Gujarati News

મેઘરજ: તાલુકાના વલુણા ગામના પ્રતાપ શિવા કોટવાળા તા. ૨૬-૦૩-૨૦૨૧ના રાત્રિના અરસામાં ગામમાં મજૂરી અર્થે જઈને દસેક વાગ્યાના અરસામાં ઘરે આવ્યો હતો તે દરમ્યાન પ્રતાપભાઈના ઘરે તેમના મોટા ભાઈ રમણ શિવા લાકડી લઈને આવ્યો હતો અને પ્રતાપભાઈને કહેવા લાગ્યો હતો કે, મારા ઘરનું લાઇટ બિલ ભરવાનું છે તો તું મારા ઘરનું લાઇટબિલ ભર. ત્યારે પ્રતાપે કહ્યું કે તું મારા અગાઉના રૂપિયા ઉધાર આપ્યા છે પહેલા આપ તેમ કહેતા રમણ શિવા એકદમ ઉશ્કેરાઈ જઈ પ્રતાપને પગે લાકડી ફટકારી હતી.

 શારદાબેન અને બળવંત આવી પ્રતાપને ગડદા પાટુનો માર મારવા લાગ્યા હતા. આજુબાજુના રહીશો આવી જતા પ્રતાપભાઈને વધુ મારમાંથી છોડાવ્યો હતો. ચારે શખ્સો પ્રતાપને જાનથી મારી નાખવાની ધમકી આપતા ગયા હતા. પ્રતાપને પગના ભાગે ઈજાઓ થતા ૧૦૮ મારફતે મેઘરજ સરકારી દવાખાને ખસેડાયો હતો પરંતુ પગે ફ્રેક્ચર થયો હોવાથી મોડાસા ખાતે રીફર કરી પગનું ઓપરેશન કરાવ્યા બાદ પ્રતાપ શિવા કોટવાળે મેઘરજ પોલીસ મથકે આરોપી રમણ શિવા કોટવાળ રહે. વલુણ કેશા કાળા પગી રહે. વૈયા), બળવંત રમણ કોટવાળ (રહે. વલુણા,) શારદા રમણ કોટવાળ (રહે. વલુણા, તા. મેઘરજ) સામે ફરિયાદ નોંધાવી છે.