Gujarati News

Gujarati News

News of Saturday, 8th May 2021

વાપીમાંથી દેશી હાથ બનાવટનો તમંચો પકડાયો : પોલીસની ટીમ પર અભિનંદન વર્ષા

વલસાડ જિલ્લા પોલીસ વડા ડો રાજદિપસિંહ ઝાલાની સૂચના અને એલસીબી પીઆઇ જે. એન. ગોસ્વામીના માર્ગદર્શન મુજબ પીએસઆઇ સી. એચ. પનારા, એએસઆઇ અલ્લારખ્ખુ અમીર તથા હેડ કોન્સ્ટેબલ અજય અમલાભાઇ, કોન્સ્ટેબલ પરેશ રઘજીભાઇ, કરમણ જયરામભાઇ અને પરાક્રમસિંહ મનોહરસિંહે મળી તમંચા સાથે એકને પકડી પાડ્યો

(કાર્તિક બાવીશી દ્વારા )વલસાડના ઔદ્યોગિક વિસ્તાર વાપીમાં ગુનાખોરીને ડામવા પોલીસે હાથ ધરેલી કવાયતમાં એક ઇસમને દેશી તમંચા સાથે પકડી પડ્યો હતો.

વલસાડ જિલ્લા પોલીસ વડા ડો રાજદિપસિંહ ઝાલાની સૂચના અને એલસીબી પીઆઇ જે. એન. ગોસ્વામીના માર્ગદર્શન મુજબ પીએસઆઇ સી. એચ. પનારા, એએસઆઇ અલ્લારખ્ખુ અમીર તથા હેડ કોન્સ્ટેબલ અજય અમલાભાઇ, કોન્સ્ટેબલ પરેશ રઘજીભાઇ, કરમણ જયરામભાઇ અને પરાક્રમસિંહ મનોહરસિંહે મળી વાપી ટાઉન વિસ્તારમાં તપાસ હાથ ધરી હતી. જે દરમિયાન તેમણે વાપી ટાઉન વિસ્તારમાં ટાંકી ફળિયામાંથી વિજય ઉર્ફે વિકાસ રવિન્દ્રસીંગ (ઉ.વ.43 રહે. ટાંકી ફળિયા વાપી)ને દેશી બનાવટનો તમંચો રૂ. 2 હજાર સાથે પકડી પાડ્યો હતો. જેની પાસેથી પોલીસે મોબાઇલ અને બાઇક મળી કુલ રૂ. 47,500નો મુદ્દામાલ પકડી પાડ્યો હતો.

(1:42 pm IST)