Gujarati News

ખેડબ્રહ્મા:તાલુકાના કંરૂડા ગામે રહેતા જસવંતભાઇ ઉર્ફે દિનેશભાઇ મનસુકભાઇ વણઝારાએ ખેડબ્રહ્મા પોલીસ સ્ટેશને ફરીયાદમાં જણાવ્યું છે કે તેમના દિકરા નિર્મલની ઘરની બાજુમાં આવેલ ઝાડ કાપતા હતા ત્યારે લેલાબેન નટવરભાઇ વણઝારા, નરેશભાઇ, ધુળાભાઇ વણઝારા, નટવરભાઇ ધુળાભાઇ વણઝારા, ધુળાભાઇ સદાભાઇ વણઝારા અને કપીલાબેન નરેશભાઇ વણઝારા તમામ એકસંપ થઇ અમારા ખેતરમાં ઝાડ કેમ કાપો છો તેમ કહી ગાળાગાળી કરી લાકડા પાવડો લઇ નિર્મલના જમણા હાથે ઈજાઓ કરી તેમજ સેન્ટીંગનું લાકડું તેમના દિકરા આદિત્યને ડાબા હાથે મારી અને ગીરીશભાઇને માથાના ભાગે ઈજાઓ કરી ગડદા પાટુનો માર મારતા તે અંગેની ફરીયાદ નોંધાઇ હતી.

જ્યારે સામે પક્ષે નટવરભાઇ ધુળાબાઇ વણઝારાએ ફરીયાદમાં જણાવ્યું છે કે ખેતરમાં આવેલ ઝાડ કાપતા અને ઝાડ કાપવાનું ના કહેતા જસવંતભાઇ ઉર્ફે દિનેશભાઇ મનસુકભાઇ વણઝારા, ગીરીશભાઇ મનસુકભાઇ વણઝારા, નિર્મલ જસવંતભાઇ વણઝારા, સંગીતાબેન જસવંતભાઇ વણઝારાએ બધા ઉશ્કેરાઇ જઇ નરેશભાઇને ગાલ ઉપર ડાબી આંખની નીચેના ભાગે ઈજાઓ કરી નૈનાબેન તથા કપીલાબેનને માથાના ભાગે ઈજાઓ કરતા તે અંગે ફરીયાદ નોંધાવતા ખેડબ્રહ્મા પી.એસ.આઇ. વિશાલ પટેલે સામસામે ફરીયાદથતા કલેકટરના જાહેરનામાના ભંગ બદલ વધુ તપાસ હાથ ધરી છે.