Gujarati News

નડિયાદ : મહુધા તાલુકાના ખાંડીવાવ ગામના એક યુવકે સગીરા પર દુષ્કર્મ આચરી ગર્ભવતી બનાવી હોવાની ફરિયાદ નોંધાવા પામી હતી.આરોપી યુવક અને તેના મિત્રએ ભોગ બનનાર સગીરાને આ વાત કોઈને કહીશ તો જાનથી મારી નાખીશું તેવી ધમકી આપી હતી.  મહુધા પાસેના ખાંડીવાવ ગામમાં રહેતા  કિરણ અમરાભાઈ સોઢાએ ગામની એક સગીરાને પામવા અવનવા પેતરા અજમાવવવાના શરૂ કર્યા હતા. આ દરમિયાન બંને વચ્ચે સમયે સમયે સંપર્ક થતા હતા. યુવાને મીઠી મીઠી વાતો કરી સગીરાને પોતાની પ્રેમજાળમાં ફસાવી હતી.આશરે સાત એક માસ પૂર્વે એક દિવસ આ યુવાને સગીરાને ગામની સીમમાં લઈ જઈ તેણીની પર દુષ્કર્મ આચર્યું હતું ત્યાર પછી યુવકે અવારનવાર ગામની સીમમાં સગીરા પર મરજી વિરુદ્ધ દુષ્કર્મ આચર્યુ હતું. જેથી આ સગીરા ગર્ભવતી બની હતી. જે અંગે સગીરાએ યુવકને વાત કરી હતી જેથી યુવકે અને તેના સાગરીત દશરથ રાવજી સોઢાએ આ અંગે કોઈને કહીશ તો જાનથી મારી નાખવાની સગીરાને ધમકી આપી હતી.આ બનાવ અંગે મહુધા પોલીસે સગીરાની ફરિયાદના આધારે આરોપી સામે આઈપીસી ૩૭૬ હેઠળ ગુનો નોંધી કાયદેસરની કાર્યવાહી હાથ ધરી છે.