Gujarati News

Gujarati News

News of Sunday, 9th May 2021

બેચરાજીનું ચાંદણકી કોરોના મુક્ત : ગામમાં 100 ટકા રસીકરણ કરાયું

કોરોનાના પહેલા રાઉન્ડમાં 2 યુવાનોના મૃત્યુ થતા ગામે શીખ મેળવી: સ્વયંભૂ લોકડાઉન લગાવ્યું

મહેસાણા જિલ્લાના બેચરાજીના ચાંદણકી ગામમાં કોરોનાનો એકપણ કેસ નથી. મહેસાણામાં એક તરફ કોરોનાનો કહેર વધી રહ્યો છે ત્યારે આ ગામ ઉદાહરણરૂપ બન્યું છે. આ ગામમાં કોરોનાના પહેલા રાઉન્ડમાં 2 યુવાનોના મૃત્યુ થતા ગામે શીખ મેળવી હતી. આ યુવાનોના મૃત્યુ બાદ ગામના લોકોએ તકેદારી વધારી દીધી હતી. ગામના લોકોએ કોરોનાને ધ્યાને લઈને સ્વયંભૂ લોકડાઉન લગાવ્યું હતું. આ ગામના મોટાભાગના યુવાનો ફોરેનમાં વસવાટ કરી રહ્યા છે. ગામમાં માત્ર વૃદ્ધો જ રહે છે અને તમામ લોકોએ રસી લીધી છે. આ ગામમાં 100 ટકા રસીકરણ કરવામાં આવ્યું છે.

(11:53 pm IST)
  • એવા ટેન્કરોને દેશભરમાં ટોલ-ફી ભરવામાંથી મુક્તિ આપવામાં આવી દેશભરના નેશનલ હાઈવે ઉપર લિક્વિડ મેડિકલ ઓક્સિજન લઈ જતા ટેન્કરોને, નેશનલ હાઇવે ઓથોરિટી ઓફ ઇન્ડિયાએ ટોલ-ફી ભરવામાંથી મુક્તિ આપી છે. access_time 8:59 pm IST

  • અમદાવાદમાં વ્હેલી સવારથી વધુ એક લાઈનમાં લોકો ઉભા રહી ગયા : અમદાવાદમાં સવારે છ વાગ્યાથી કોરોનાની વેકસીન લેવા માટે આજે વસ્ત્રાપુર વિસ્તારમાં લોકોએ લાઈન લગાવી દીધી હતી. વીટીવીના અહેવાલ મુજબ વેકસીનના ડોઝ મર્યાદીત સંખ્યામાં હોવાથી લોકો સવારથી લાઈનમાં ઉભા રહી જાય છે. access_time 3:15 pm IST

  • ચીનનું બેકાબૂ બનેલ રોકેટ માલદીવ પાસે તૂટી પડ્યું : માલદિવ્સ પાસે ચીનનું બેકાબૂ બનેલ રોકેટ વાતાવરણમાં પ્રવેશી તૂટી પડ્યું, ભસ્મીભૂત બની ગયું હોવાનું ચીને જાહેર કર્યું access_time 11:03 am IST