Gujarati News

Gujarati News

News of Saturday, 10th April 2021

વડોદરામાં ફૂટપાથ પર સુઈ રહેલ શ્રમજીવી પરિવારની વૃદ્ધાને કાર ચાલકે કચડી નાખતા કમકમાટીભર્યું મોત

વડોદરા: મોડીરાતે રેસકોર્સ નજીક ફૂટપાથ પર સુઇ રહેલા શ્રમજીવી પરિવારની વૃદ્ધા  પર કારચાલકે કાર ચડાવી દેતા વૃદ્ધાનું કમકમાટીભર્યુ મોત નિપજ્યુ હતું.જ્યારે પરિવારની યુવતીને સારવાર માટે હોસ્પિટલમાં દાખલ કરવામાં આવી છે.ગોત્રી પોલીસે સીસીટીવી ફૂટેજના આધારે ભાગી છૂટેલા કારચાલકની કારનો નંબર  મેળવવાના  પ્રયાસો શરૃ કર્યા છે.

રેસકોર્સ સરકારી વસાહતના ગેટ  પાસે ફૂટપાથ પર,વડના ઝાડની નીચે રહેતા અને છૂટક મજૂરી કરતા રાજુ શનાભાઇ દંતાણીએ પોલીસને જણાવ્યુ હતું કે,હું મારા પરિવાર સાથે રહુ છુ.અને ત્રણ પૈંડાવાળી સાયકલ ચલાવુ છું.હું અને મારી પત્ની અલકાપુરી ખાતે ફુગ્ગા તથા રમકડા વેચીએ છે.મારા માતા સોમીબેન પણ અમારી સાથે રહે છે.

ગઇકાલે રાતે અગિયાર વાગ્યે હું અને મારા પરિવારના સભ્યો ઝાડ નીચે જમવા બેઠા હતા.મારી માતા તથા બહેન વડના ઝાડના નીચે ફુટપાથ પર સુતા હતા.અને મારી સાયકલ ફૂટપાથની નજીક પાર્ક કરી હતી.રાતે સવા અગિયાર વાગ્યે એક સફેદ કલરની કાર અલકાપુરી સર્કીટ હાઉસ તરફથી પૂરઝડપે આવી હતી.અને સાયકલને ટક્કર મારતા સાયકલ ઉછળીને પડી  હતી.તે ઉપરાંત મારી માતાને માથાના ભાગે અથાડી ગંભીર ઇજા પહોંચાડતા તે બેભાન થઇ ગયા હતા.અને મારી બહેનને માથાના જમણા ભાગે ઇજા પહોેચાડતા તેને લોહી નીકળવા લાગ્યુ હતુ. ત્યારબાદ કારચાલકે પોતાની કાર રિવર્સમાં લઇ અલકાપુરી  સર્કીટ હાઉસ તરફ ભાગી ગયો હતો.અમે તેનો પીછો કરતા તે ગાડી પલટાવીને રોંગસાઇડ ભાગી ગયો હતો.અકસ્માતના પગલે લોકોનું ટોળુ ભેગુ થઇ ગયુ હતુ.અને મારા મમ્મીને એમ્બ્યુલન્સમાં સારવાર માટે હોસ્પિટલમાં લાવતા ડોક્ટરે તેમનું મોત થયુ હોવાનુ જણાવ્યુ હતું.મારી બહેનને સારવાર માટે ગોત્રી  હોસ્પિટલમાં દાખલ  કરવામાં આવી છે.

(4:42 pm IST)
  • ખોડલધામ પ્રમુખ અને પાટીદાર અગ્રણી નરેશ પટેલ અને તેમના પત્ની થયા કોરોના સંક્રમિત : દંપત્તિ હાલ હોમ આઈસોલેશનમાં રખાયા : બન્ને ને સામાન્ય લક્ષણો દેખાતા ઘરે જ સારવાર અપાય રહ્યાનું જાણવા મળે છે. access_time 6:41 pm IST

  • પશ્ચિમ બંગાળમાં ચોથા તબક્કાના મતદાન દરમિયાન કૂચબિહારમાં હિંસા ફાટી નીકળી : બીજેપી અને તૃણમૂલ કોંગ્રેસના કાર્યકરો વચ્ચે મારામારી : સુરક્ષાદળોની રાયફલ ખુંચવી લેવાનો પ્રયાસ થતા કરાયેલા ફાયરિંગથી 4 લોકોના મોત : આ અગાઉ મતદાન સમયે પ્રથમવાર મત આપવા આવેલા યુવાનની હત્યા કરી દેવાઈ હતી : કુલ પાંચ મોત : ચૂંટણી પંચે અહેવાલ માંગ્યો access_time 12:59 pm IST

  • દેશમાં કોરોનાના કેસમાં ભયંકર ઉછાળો : અત્યાર સુધીના તમામ રેકોર્ડ તૂટ્યા : રેકોર્ડબ્રેક નવા કેસ નોંધાયા : રાત્રે 11 વાગ્યા સુધીમાં કોરોનાના નવા 1,44,829 કેસ નોંધાયા :કુલ કેસની સંખ્યા 1,32,02,783 :એક્ટિવ કેસ 10,40,993 થયા વધુ 77,199 દર્દીઓ સ્વસ્થ થતા કુલ 1,19, 87, 940 થયા :વધુ 773 લોકોના મોત સાથે કુલ મૃત્યુઆંક 1,68,467 થયા: દેશમાં સૌથી વધુ મહારાષ્ટ્રમાં નવા 58,993 નવા કેસ નોંધાયા access_time 1:07 am IST