Gujarati News

Gujarati News

News of Monday, 10th May 2021

સુરતના અઠવા ગેટ વિસ્તારમાં મેટાસ એડવેન્ટ્સ હોસ્પિટલનાં નોન કોવિડ વોર્ડમાં આગ : દોડધામ

ફાયરની ચાર ટિમો ઘટના સ્થળે : દર્દીઓને હોસ્પિટલ સ્ટાફ દ્વારા જ પહેલા બહાર કાઢી લેવાયા

સુરત :શહેરના અઠવા ગેટ વિસ્તારમાં આવેલી મેટાસ એડવેન્ટ્સ હોસ્પિટલનાં નોન કોવિડ વોર્ડમાં આગ ભભુકતા હોસ્પિટલનાં ઓનકોલોજી વોર્ડમાં આગ લાગતા અફડા તફડી મચી ગઇ હતી. ઘટનાની જાણ ફાયર વિભાગને કરવામાં આવી હતી. જેના પગલે ફાયરની ચાર ટીમો ઘટના સ્થળે પહોંચી હતી અને આગને બુઝાવવા માટેની કામગીરી હાથ ધરી હતી

આગ લાગી તે વોર્ડમાં માત્ર બે દર્દી જ હોવાથી મોટી જાનહાની ટળી હતી. હાલ બંન્ને દર્દીને હોસ્પિટલમાં ખસેડવામાં આવ્યા હતા. પ્રાથમીક તપાસમાં એસીમાં શોર્ટ સર્કિટ થતા આગ લાગી હોવાનું સામે આવ્યું છે

  અત્રે ઉલ્લેખનીય છે કે, ફાયર વિભાગની ટીમ સમયસર આવી જતા મોટી જાનહાની નિવારી શકાઇ હતી. દર્દીઓને હોસ્પિટલ સ્ટાફ દ્વારા જ પહેલા બહાર કાઢી લેવાયા હતા. 

અત્રે ઉલ્લેખનીય છે કે, કોરોના કાળમાં અનેક હોસ્પિટલોમાં આગ લાગવાની ઘટના સામે આવતી જ રહે છે. સુરતનાં લાલદરવાજા ખાતે પરમ ડોક્ટર હાઉસના બિલ્ડિંગના 5માં માળે આયુષ હોસ્પિટલના આઇસીયુમાં મોડી રાત્રે આગ લાગી હતી. જેના કારણે 18 દર્દીઓને અન્ય હોસ્પિટલમાં શિફ્ટ કરવા પડ્યાં હતા.

(12:23 am IST)