Gujarati News

Gujarati News

News of Thursday, 10th September 2020

નાંદોદ તાલુકાના ધારીખેડા ગામમાં નજીવી બાબતે બે પરિવારો વચ્ચે ઝગડો થતા સામસામી ફરિયાદ

(ભરત શાહ દ્વારા) રાજપીપળા : નર્મદા જિલ્લાના નાંદોદ તાલુકાના ધારીખેડા ગામમાં બે પરિવારો વચ્ચે નજીવી બાબતે બોલાચાલી બાદ ઇટ,લાકડી વડે હુમલો કરી ઇજા કરતા સામસામી ફરિયાદ નોંધાઈ છે.

  પ્રાપ્ત માહિતી અનુસાર ધારીખેડા ગામ માં રહેતા ચિમન ભાઇ પારસિંગભાઇ વસાવા એ આપેલી પ્રથમ ફરિયાદ મુજબ ગામના હેમલતાબેન સોમાભાઇ વસાવા તથા મંજુલાબેન દેવનભાઇ વસાવા ના છોકરાએ તેમના ઘર ઉપર પથ્થર મારી નળિયા ફોડી નાખેલ છે તેમ ફરીયાદીને કહીં ગમેતેમ ગાળો બોલી તેમજ સાહેદ અરવિંદભાઇ સાથે બોલાચાલી કરી ઝઘડો કરતા ફરીયાદી તેની પત્ની સાથે ત્યાં જતા તેમની સાથે ઝઘડો કરી ફરીયાદીની પત્ની સવિતાબેન સાથે ઝપાઝપી કરી હેમલતાબેને હાથમાં ઈંટ લઇ છુટ્ટી મારી સવિતાબેનને જમણા હાથે ઇજા પહોચાડી તથા મંજુલાબેને ડાબા કાન પાસે લાકડી મારી ઇજાઓ પહોચાડી જાનથી મારી નાખવાની ધમકીઓ આપી.

  જ્યારે સામી ફરિયાદ હેમલતાબેન સોમાભાઇ વસાવા એ આપી જેમાં જણાવ્યા મુજબ અરવિંદભાઇ લુંટીયાભાઇ વસાવા લાકડી લઇ આવીને તમે અમને ગાળો બોલો છો તમે અમારા ઘર આગળથી કેમ જાઓ છો તેમ કહેતા ફરીયાદીએ આ પંચાયતનો રસ્તો છે તેથી અમો આ રસ્તે થઇને જઇએ છીએ તમારા ઘર આગળથી નથી જતા તેમ કહૅતા અરવિંદ એકદમ ઉશ્કેરાઇ જઇ ગાળો બોલી સાહેદ દેવનભાઇના જમણા ગાલ ઉપર લાકડીની એક ઝાપટ મારી દીધી તેમજ ચિમનભાઇ પારસિંગભાઇ વસાવા એ લાકડીનો એક સપાટો ફરીયાદીના માથામાં, કાનના ભાગે તેમજ ડાબા હાથના અંગુઠા ઉપર મારી ઇજા પહોચાડી તેમજ સાહેદ મંજુલાબેન બચાવવા વચ્ચે પડતા તેમને પણ હાથમાં લાકડીનો સપાટો મારી તેમજ હાથમાં પથ્થર લઇ લઇ ફરીયાદીને છુટ્ટો મારી કમરના ભાગે ઇજા કરી મારી નાખવાની ધમકી આપતા આમલેથા પોલીસે બંને પક્ષે ફરિયાદ લઈ ચાર વિરુદ્ધ ગુનો નોંધી તપાસ હાથ ધરી છે

(5:12 pm IST)
  • દેશમાં કોરોનાનો વિસ્ફોટ :છેલ્લા 24 કલાકમાં રેકોર્ડબ્રેક 95,529 નવા પોઝીટીવ કેસ નોંધાયા : વધુ 1168 લોકોના મોત : રાત્રે 12 વાગ્યા સુધીમાં નવા 95,529 કેસ વધ્યા: કુલ કેસની સંખ્યા 44.62.965 થઇ : 9,18,185 એક્ટીવ કેસ :વધુ 73,057 દર્દીઓ સાજા થતા કુલ 34,69,084 રિકવર થયા : વધુ 1168 લોકોના મોત સાથે મૃત્યુઆંક 75,091 થયો access_time 12:45 am IST

  • સરહદ ઉપર ટેન્સન વધતું જ જાય છે? અરૂણાચલની સરહદે આખું ગામ ખાલી થઇ ગયું : અરૂણાચલ પ્રદેશના તવાંગ નજીકથી મેકમોહન લાઇન નજીકના ગ્રામજનોએ તેમનું ગામડું ખાલી કરી નાખ્યું હોવાનું ઇસ્ટમોજો જણાવે છે. અરૂણાચલ પ્રદેશના ઝેમીથાંગ સર્કલથી ૩૦ કી.મી. દૂર સરહદે આવે તાકસાંગ નામનું ગામ છોડીને ગ્રામજનો ભાગી ગયા છે. access_time 11:31 am IST

  • હવે લાંબા સમય સુધી નહીં લટકતી રહે ભ્રષ્ટ્રાચારની ફાઈલો : કેન્દ્રીય વિજિલન્સ કમિશને લીધો મોટો નિર્ણંય : કેન્દ્ર સરકારના જુદા જુદા વિભાગોના સીવીઓ તરફથી ભ્રષ્ટ્રાચારની ફરિયાદોના નિવારણ માટે થતા વિલબથી કેન્દ્રીય વિજિલન્સ કમિશન પરેશાન : હવે સમય મર્યાદામાં ફરિયાદોના નીલકની માટે સમય મર્યાદા નક્કી કરવા સહીત અન્ય વ્યવસ્થામાં ફેરફાર કરવા નિર્ણંય કર્યો છે access_time 11:45 pm IST