Gujarati News

Gujarati News

News of Friday, 11th June 2021

વીજ તારમાં ફસાયેલા કબૂતરને બચાવવા થાંભલા પર ચડેલા જીવદયાપ્રેમી યુવકનું કરંટ લાગતા મોત

પાઈપનો ભાગ વાયર સાથે સંપર્કમાં આવતા કરંટ લાગ્યો : જમીન પર પટકાતા દિલીપનું કરૂણમોત :અરવલ્લી જિલ્લાના માલપુર ગામમાં અરેરાટી

મોડાસા:અરવલ્લી જિલ્લાના માલપુર ગામમાં કરંટ લાગવાથી એક જીવદયા પ્રેમી યુવકે પોતાનો જીવ ગુમાવ્યો છે. આ યુવક વીજળીના તારમાં ફસાયેલા એક કબૂતરને બચાવવા માટે વીજળીના થાંભલા પર ચડ્યો હતો. જો કે આ દરમિયાન કરંટ લાગવાથી નીચે પટકાતા તેનું મોત નીપજ્યું હતું. Bird Rescue 

આ અંગે પ્રાપ્ત વિગતો મુજબ, માલપુર ગામમાં રહેતો 35 વર્ષનો દિલીપ બજારમાંથી પસાર થઈ રહ્યો હતો. જ્યાં તેની નજર ઉપરથી પસાર થઈ રહેલા વીજળીના તારમાં ફસાયેલા કબૂતર પર પડી હતી. વીજ તારમાં ફસાયેલા કબૂતરને બચાવવા માટે દિલીપ આગળ આવ્યો અને લાકડી ના મળતા તેણે લોખંડની પાઈપની આગળ લાકડીનો ટૂકડો બાંધીને વીજ થાંભલા ઉપર ચડી ગયો હતો.

 

દિલીપ લોખંડની પાઈપના આગળના છેડે લાકડાનો ટૂકડો બાધીને તે ફસાયેલા કબૂતરને નીકાળવાનો પ્રયત્ન કરી રહ્યો હતો. આ દરમિયાન પાઈપનો ભાગ વાયર સાથે સંપર્કમાં આવતા કરંટનો ઝાટકો લાગ્યો હતો. જે બાદ દિલીપ ઊંધા માથે જમીન પર પટકાયો અને ઘટના સ્થળે જ મોતને ભેટ્યો.

(10:00 pm IST)
  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • આખરે ટીએમસી માંથી ભાજપમાં શામેલ થયેલ બંગાળના દિગ્ગજ નેતા મુકુલ રોયની ઘર વાપસી થઈ : ફરી ટીએમસીમાં જોડાયા : ભાજપ માટે શરમજનક ઘટના : હજુ ઘણાં ધારાસભ્યો સહિત ભાજપના નેતાઓ પણ તેમની મૂળ પાર્ટી ટીએમસીમાં પાછા જાય તેવી સંભાવના : CM મમતા બેનર્જી બપોરે 3.30 વાગ્યે ટીએમસી ભવન ખાતે પ્રેસ કોન્ફરન્સ કરશે તેમ જાણવા મળે છે. (ન્યુઝફર્સ્ટ) access_time 2:42 pm IST